Artikolu 53 Regoli dwar il-kalkolu tal-kisba tal-miri tar-riċiklaġġ

1.   Il-kalkolu biex jiġi determinat jekk il-miri stabbiliti fl-Artikolu 52(1) ikunux inkisbu għandu jsir f'konformità mar-regoli stabbiliti f'dan l-Artikolu.

2.   L-Istati Membri għandhom jikkalkulaw il-piż tal-iskart mill-imballaġġ iġġenerat f'sena kalendarja partikolari. Il-kalkolu tal-iskart mill-imballaġġ iġġenerat fi Stat Membru għandu jkun eżawrjenti.

Il-metodoloġija għall-kalkolu tal-iskart mill-imballaġġ iġġenerat għandha tkun ibbażata fuq l-approċċi li ġejjin:

Il-kalkoli mwettqin skont dan il-paragrafu għandhom jiġu aġġustati biex jiġu żgurati l-komparabbiltà, l-affidabbiltà u l-eżawrjenza tar-riżultati f'konformità mar-rekwiżiti u l-verifiki li għandhom jiġu stabbiliti mill-att ta' implimentazzjoni adottat skont l-Artikolu 56(7), il-punt (a).

3.   L-Istati Membri għandhom jikkalkulaw il-piż tal-iskart mill-imballaġġ irriċiklat f'sena kalendarja partikolari. Il-piż tal-iskart mill-imballaġġ riċiklat għandu jiġi kkalkulat bħala l-piż tal-iskart mill-imballaġġ li sar skart li, wara li jkun għadda mill-kontrolli, mill-operazzjonijiet ta' separazzjoni u mill-operazzjonijiet preliminari l-oħra kollha meħtieġa biex jitneħħew il-materjali tal-iskart li ma humiex fil-mira tal-ipproċessar mill-ġdid sussegwenti u biex jiġi żgurat riċiklaġġ ta' kwalità għolja, jidħol fl-operazzjoni tar-riċiklaġġ fejn il-materjali tal-iskart jiġu fil-fatt ipproċessati mill-ġdid fi prodotti, materjali jew sustanzi.

4.   L-imballaġġ kompost u l-imballaġġ ieħor magħmul minn aktar minn materjal wieħed għandhom jiġu kkalkulati u rrapportati għal kull materjal li jinsab fl-imballaġġ. L-Istati Membri jistgħu jidderogaw minn dan ir-rekwiżit meta materjal speċifiku jikkostitwixxi parti insinifikanti tal-unità tal-imballaġġ, u fl-ebda każ ma jkun jikkostitwixxi aktar minn 5 % tal-massa totali tal-unità tal-imballaġġ.

5.   Għall-finijiet tal-paragrafu 3, il-piż tal-iskart mill-imballaġġ riċiklat għandu jitkejjel meta l-iskart jidħol fl-operazzjoni tar-riċiklaġġ.

B'deroga mill-ewwel subparagrafu ta' dan il-paragrafu, il-piż tal-iskart mill-imballaġġ riċiklat jista' jitkejjel fl-output ta' kwalunkwe operazzjoni ta' separazzjoni, dment li:

6.   L-Istati Membri għandhom jistabbilixxu sistema effettiva ta' kontroll tal-kwalità u ta' traċċabbiltà tal-iskart mill-imballaġġ biex jiġi żgurat li jiġu ssodisfati l-kundizzjonijiet stabbiliti fil-paragrafi 2 sa 5 ta' dan l-Artikolu. Dik is-sistema tista' tikkonsisti f'reġistri elettroniċi stabbiliti skont l-Artikolu 35(4) tad-Direttiva 2008/98/KE jew fi speċifikazzjonijiet tekniċi għar-rekwiżiti tal-kwalità tal-iskart separat. Din tista' tikkonsisti wkoll f'rati medji ta' telf għall-iskart separat għal diversi tipi ta' skart u prattiki ta' mmaniġġar tal-iskart, rispettivament, dment li d-data affidabbli ma tkunx tista' tinkiseb b'mod ieħor. Ir-rati medji tat-telf għandhom jiġu kkalkulati abbażi tar-regoli tal-kalkolu stabbiliti fl-att delegat adottat skont l-Artikolu 11a (10) tad-Direttiva 2008/98/KE.

7.   Il-kwantità ta' skart mill-imballaġġ bijodegradabbli li jsirlu trattament aerobiku u anaerobiku tista' tingħadd bħala skart riċiklat meta dak it-trattament jiġġenera kompost, diġestat jew output ieħor bi kwantità simili tal-kontenut riċiklat meta mqabbel mal-input, li għandu jintuża bħala prodott, materjal jew sustanza riċiklati. Meta l-output jintuża fuq l-art, l-Istati Membri jistgħu jgħodduh bħala skart riċiklat dment li dan l-użu jirriżulta f'benefiċċji għall-agrikoltura jew f'titjib ekoloġiku.

8.   Il-kwantità tal-materjali tal-iskart mill-imballaġġ li waqaf milli jkun skart b'riżultat ta' operazzjoni ta' tħejjija qabel ma jiġi pproċessat mill-ġdid, tista' tingħadd bħala skart riċiklat dment li tali materjali jkunu maħsuba għall-ipproċessar sussegwenti mill-ġdid fi prodotti, materjali jew sustanzi li huma destinati għall-użu oriġinali jew għal finijiet oħra. Madankollu, il-materjali tat-tmiem tal-istadju tal-iskart li jintużaw bħala fjuwils jew mezzi oħra biex tiġi ġġenerata l-enerġija, jew biex ikunu inċinerati, jintradmu mill-ġdid jew jintremew f'landfills, ma għandhomx jingħaddu bħala skart riċiklat.

9.   L-Istati Membri jistgħu jqisu r-riċiklaġġ tal-metalli separati wara l-inċinerazzjoni tal-iskart fi proporzjon mas-sehem tal-iskart mill-imballaġġ inċinerat dment li l-metalli riċiklati jissodisfaw il-kriterji ta' kwalità stabbiliti fid-Deċiżjoni (UE) 2019/1004.

10.   Meta skart mill-imballaġġ jintbagħat fi Stat Membru ieħor għall-finijiet tar-riċiklaġġ f'dak l-Istat Membru l-ieħor, huwa biss l-Istat Membru li fih inġabar dak l-iskart mill-imballaġġ li jista’ jgħoddu bħala riċiklat.

11.   L-iskart mill-imballaġġ esportat mill-Unjoni għandu jingħadd bħala skart riċiklat mill-Istat Membru li fih inġabar, biss jekk jiġu ssodisfati r-rekwiżiti stabbiliti fil-paragrafu 3 u jekk, f'konformità mar-Regolament (KE) Nru 1013/2006 jew ir-Regolament (UE) 2024/1157, kif applikabbli, l-esportatur jipprovdi prova dokumentarja li l-vjeġġ tal-iskart jikkonforma mar-rekwiżiti ta' dak ir-Regolament, inkluż li t-trattament tal-iskart mill-imballaġġ f'pajjiż terz sar f'kundizzjonijiet li huma ekwivalenti għar-rekwiżiti tal-liġi ambjentali rilevanti tal-Unjoni.