Artikolu 57 1

(a)

jiddeċiedu dwar l-applikazzjonijiet għall-aċċess għad-data dwar is-saħħa skont l-Artikolu 67 ta’ dan ir-Regolament, jawtorizzaw u joħorġu permessi tad-data skont l-Artikolu 68 ta’ dan ir-Regolament għall-aċċess għal data elettronika dwar is-saħħa li taqa’ taħt il-mandat tagħhom għall-użu sekondarju u jiddeċiedu dwar it-talbiet għad-data dwar is-saħħa sottomessi skont l-Artikolu 69 ta’ dan ir-Regolament f’konformità ma’ dan il-Kapitolu u l-Kapitolu II tar-Regolament (UE) 2022/868 inkluż fir-rigward ta’:

(b)

jipproċessaw data elettronika dwar is-saħħa msemmija fl-Artikolu 51, pereżempju billi jirċievu, jikkombinaw, iħejju u jikkompilaw tali data meta tintalab minn detenturi tad-data dwar is-saħħa u l-psewdonimizzazzjoni jew l-anonimizzazzjoni ta’ dik id-data;

(c)

jieħdu l-miżuri kollha meħtieġa biex jippreservaw il-kunfidenzjalità tad-drittijiet tal-proprjetà intellettwali u għall-protezzjoni tad-data regolatorja, u l-presservazzjonikunfidenzjalità tas-sigrieti kummerċjali hekk kif previst fl-Artikolu 52 filwaqt li jitqiesu d-drittijiet rilevanti ta’ kemm id-detentur tad-data dwar is-saħħa u l-utent tad-data dwar is-saħħa;

(d)

jikkooperaw mad-detenturi tad-data dwar is-saħħa u jissorveljawhom biex jiżguraw l-implimentazzjoni konsistenti u akkurata tad-dispożizzjonijiet dwar ilkwalità tad-data u t-tikketta tall-utilità fl-Artikolu 78;

(e)

iżommu sistema ta’ ġestjoni biex jirreġistraw u jipproċessaw l-applikazzjonijiet għall-aċċess għad-data dwar is-saħħa, it-talbiet għad-data dwar is-saħħa, deċiżjonijiet dwar dawk l-applikazzjonijiet u talbiet u l-permessi tad-data maħruġa u t-talbiet għad-data dwar is-saħħa trattati, filwaqt li jipprovdu mill-inqas informazzjoni dwar l-isem tal-applikant għad-data dwar is-saħħa, l-għan tal-aċċess, id-data tal-ħruġ, id-durata tal-permess tad-data u deskrizzjoni tal-applikazzjoni għal aċċess għad-data dwar is-saħħa jew tat-talba għad-data dwar is-saħħa;

(f)

iżommu sistema ta’ informazzjoni pubblika biex jikkonformaw mal-obbligi stabbiliti fl-Artikolu 58;

(g)

jikkooperaw fil-livell tal-Unjoni u dak nazzjonali biex jistabbilixxu standards komuni, rekwiżiti tekniċi u miżuri xierqa għall-aċċess ta’ data elettronika dwar is-saħħa f’ambjent tal-pproċessar sigur;

(h)

jikkooperaw fil-livell tal-Unjoni u dak nazzjonali u jipprovdu pariri lill-Kummissjoni dwar it-tekniki u l-aħjar prattiki għall-użu sekondarju u l-ġestjoni tad-data elettronika dwar is-saħħa;

(i)

jiffaċilitaw l-aċċess transkonfinali għad-data elettronika dwar is-saħħa għall-użu sekondarju ospitat fi Stati Membri oħra permezz tad-DataTas-Saħħa@UE (HealthData@EU) imsemmija fl-Artikolu 75 u jikkooperaw mill-qrib ma’ xulxin u mal-Kummissjoni;

(j)

jippubblikaw, permezz ta’ mezzi elettroniċi:

(k)

jissodisfaw l-obbligi lejn persuni fiżiċi skont l-Artikolu 58;

(l)

iwettqu kwalunkwe kompitu ieħor biex jagħmlu possibbli -użu sekondarju tad-data elettronika dwar is-saħħa fil-kuntest ta’ dan ir-Regolament.