Artikolu 76 Aċċess għal reġistri u bażijiet tad-data transkonfinali ta’ data elettronika dwar is-saħħa għall-użu sekondarju

1.   Fil-każ ta’ reġistri u ta’ bażijiet tad-data transkonfinali, il-korp tal-aċċess għad-data dwar is-saħħa li bih ir-reġistru jew il-bażi tad-data speċifiċi li fihom ikun irreġistrat id-detentur tad-data għandu jkun kompetenti biex jiddeċiedi dwar l-applikazzjonijiet għall-aċċess għad-data dwar is-saħħa biex jingħata aċċess għad-data elettronika dwar is-saħħa skont il-permess tad-data. Meta tali reġistri jew bażijiet tad-data jkollhom kontrolluri konġunti, il-korp tal-aċċess għad-data dwar is-saħħa li jiddeċiedi dwar l-applikazzjonijiet tal-aċċess għad-data dwar is-saħħa li għandhom jintużaw biex li jipprovdi aċċess għad-data elettronika dwar is-saħħa għandu jkun il-korp tal-aċċess għad-data dwar is-saħħa tal-Istat Membru fejn ikun stabbilit wieħed mill-kontrolluri konġunti.

2.   Meta r-reġistri jew il-bażijiet tad-data minn għadd ta’ Stati Membri jorganizzaw ruħhom f’network wieħed ta’ reġistri jew ta’ bażijiet tad-data fil-livell tal-Unjoni, ir-reġistri jew il-bażijiet ta’ data assoċjati jistgħu jiddeżinjaw koordinatur biex jiżgura l-forniment ta’ data min-network tar-reġistri jew talbażijiet ta’ data għall-użu sekondarju. Il-korp tal-aċċess għad-data dwar is-saħħa tal-Istat Membru li fih huwa stabbilit il-koordinatur tan-network għandu jkun kompetenti biex jiddeċiedi dwar l-applikazzjonijiet għall-aċċess għad-data dwar is-saħħa li għandhom jintużaw biex jingħata aċċess għad-data elettronika dwar is-saħħa għan-network ta’ reġistri jew bażijiet tad-data.