Artikolu 16 Proċedura ta’ kumitat

1.   Il-Kummissjoni għandha tiġi assistita minn Kumitat. Dak il-kumitat għandu jkun kumitat skont it-tifsira tar-Regolament (UE) Nru 182/2011.

2.   Il-Kumitat għandu jiltaqa’ f’żewġ konfigurazzjonijiet differenti, li jittrattaw rispettivament l-aspetti relatati mal-fissjoni u l-aspetti relatati mal-fużjoni tal-Programm Euratom 2026-2027.

Biex tiġi ffaċilitata l-implimentazzjoni tal-Programm Euratom 2026-2027, għal kull laqgħa tal-Kumitat kif definit fl-aġenda, il-Kummissjoni ser tirrimborża l-ispejjeż ta’ rappreżentant wieħed għal kull Stat Membru, u ta’ espert jew konsulent wieħed għal kull Stat Membru għal dawk il-punti fuq l-aġenda li għalihom Stat Membru ikun jeħtieġ għarfien espert speċifiku, f’konformità mal-linji gwida stabbiliti tal-Kummissjoni.

3.   Meta ssir referenza għal dan il-paragrafu, japplika l-Artikolu 4 tar-Regolament (UE) Nru 182/2011.

4.   Meta ssir referenza għal dan il-paragrafu, japplika l-Artikolu 5 tar-Regolament (UE) Nru 182/2011.

5.   Meta l-opinjoni tal-Kumitat tkun trid tinkiseb bi proċedura bil-miktub, dik il-proċedura għandha tintemm mingħajr riżultat meta l-president tal-Kumitat jiddeċiedi hekk jew meta maġġoranza sempliċi tal-membri tal-Kumitat titlob dan sal-limitu taż-żmien għall-għoti tal-opinjoni.

6.   Il-Kummissjoni għandha tinforma regolarment lill-Kumitat dwar il-progress ġenerali tal-implimentazzjoni tal-Programm Euratom 2026-2027 u għandha tipprovdi informazzjoni fil-ħin lill-Kumitat dwar l-azzjonijiet kollha proposti jew iffinanzjati permezz tal-Programm Euratom 2026-2027.