Artikolu 17 Regoli u proċeduri tal-inadempjenza tal-parteċipant

1.   Operatur ta’ SIPS għandu jistabilixxi definizzjoni ta’ inadempjenza tal-parteċipant fir-regoli u l-proċeduri tas-SIPS, li għandha tinkludi, bħala minimu, in-nuqqas tal-parteċipant li jilħaq l-obbligi finanzjarji meta jkunu dovuti, bħala riżultat, inter alia, tar-raġunijiet operattivi, ksur tal-ftehim, jew il-bidu ta’ proċeduri ta’ insolvenza kontra dan il-parteċipant. Operatur ta’ SIPS għandu jiddistingwi bejn inadempjenza awtomatika u diskrezzjonali. Fil-każ ta’ inadempjenza diskrezzjonali, l-operatur ta’ SIPS għandu jispeċifika liema entità għandha teżerċita dik id-diskrezzjoni. Għandha tirrevedi din id-definizzjoni mill-inqas b’mod annwali.

2.   Operatur ta’ SIPS għandu jkollu regoli u proċeduri ta’ inadempjenza li jagħmluha possibbli li jilħaq l-obbligi tiegħu fil-każ ta’ inadempjenza tal-parteċipant, li jindirizzaw ir-riforniment tar-riżorsi wara inadempjenza. Ir-regoli u l-proċeduri għandhom jiddefinixxu, bħala minimu, dawn kollha li ġejjin:

3.   Operatur ta’ SIPS għandu jkun ippreparat li jimplimenta r-regoli u l-proċeduri tal-inadempjenza tiegħu, inkluż kwalunkwe proċeduri diskrezzjonali xierqa stabbiliti fir-regoli tiegħu. Operatur ta’ SIPS għandu jiżgura, inter alia, illi: (a) għandu l-kapaċità operazzjonali, inkluż persunal suffiċjenti u mħarreġ tajjeb, biex jimplimenta l-proċeduri stipulati fil-paragrafu 2 fil-ħin; u (b) ir-regoli u l-proċeduri ta’ SIPS jindirizzaw dokumentazzjoni, informazzjoni u bżonnijiet ta’ komunikazzjoni, u, meta iktar minn FMI wieħed jew awtorità waħda jkunu involuti, koordinazzjoni.

4.   Operatur ta’ SIPS għandu pubblikament jikxef l-aspetti ewlenin tar-regoli u l-proċeduri elenkati fil-paragrafu 2, inkluż, bħala minimu, dawn kollha li ġejjin:

5.   Operatur ta’ SIPS għandu jittestja u jirrevedi r-regoli u l-proċeduri ta’ SIPS stipulati fil-paragrafu 2 mill-inqas darba fis-sena jew wara xi tibdiliet materjali lis-SIPS li jaffettwaw dawk ir-regoli u l-proċeduri. Operatur ta’ SIPS għandu jinvolvi parteċipanti ta’ SIPS u partijiet interessati rilevanti f’dan l-ittestjar u r-reviżjoni.