3. Il-Kummissjoni għandha s-setgħa tadotta atti delegati f'konformità mal-Artikolu 31 biex temenda l-Artikolu 24(1) biex titlob li informazzjoni addizzjonali, miġjuba mill-informazzjoni elenkata fl-Anness VI, tiġi maħżuna fir-reġistru.
Meta tadotta atti delegati f'konformità mal-ewwel subparagrafu, il-Kummissjoni għandha tqis il-kriterji li ġejjin:
|
(a)
|
il-koerenza ma' atti legali tal-Unjoni rilevanti oħra;
|
|
(b)
|
il-ħtieġa li tkun tista' ssir verifika tal-awtentiċità tal-passaport diġitali tal-prodott;
|
|
(c)
|
ir-rilevanza tal-informazzjoni għat-titjib tal-effiċjenza u tal-effettività tal-verifiki tas-sorveljanza tas-suq u tal-kontrolli doganali għad-deterġenti u l-aġenti tensjoattivi għall-utent finali; u
|
|
(d)
|
il-ħtieġa li jkun evitat li jiġi impost piż amministrattiv sproporzjonat fuq l-operaturi ekonomiċi u l-awtoritajiet nazzjonali.
|