Artikolu 30 Setgħat delegati

1.   Il-Kummissjoni għandha s-setgħa tadotta atti delegati f'konformità mal-Artikolu 31 biex temenda l-Annessi I u II, l-Anness III bl-eċċezzjoni tal-valuri limitu tal-fosforu u l-Annessi IV sa VII, meta tali emendi jkunu meħtieġa biex jiġu adattati għall-progress tekniku jew xjentifiku.

2.   Il-Kummissjoni għandha s-setgħa tadotta atti delegati f'konformità mal-Artikolu 31 biex temenda l-Anness VI, fir-rigward tal-informazzjoni li għandha tiġi pprovduta fil-passaport diġitali tal-prodott, għall-finijiet tal-adattament tagħha għall-progress tekniku u xjentifiku u għal-livell ta' prontezza diġitali tal-awtoritajiet tas-sorveljanza tas-suq u tal-utenti finali.

3.   Il-Kummissjoni għandha s-setgħa tadotta atti delegati f'konformità mal-Artikolu 31 biex temenda l-Artikolu 24(1) biex titlob li informazzjoni addizzjonali, miġjuba mill-informazzjoni elenkata fl-Anness VI, tiġi maħżuna fir-reġistru.

Meta tadotta atti delegati f'konformità mal-ewwel subparagrafu, il-Kummissjoni għandha tqis il-kriterji li ġejjin:

4.   Il-Kummissjoni għandha s-setgħa tadotta atti delegati skont l-Artikolu 31 biex temenda l-Anness I u, fejn xieraq, l-Artikolu 4 biex:

Sat-23 ta’ Marzu 2029, il-Kummissjoni għandha tadotta atti delegati li jistabbilixxu kriterji ta' bijodegradabbiltà u metodi ta' ttestjar għar-riti u l-polimeri fir-riti.

Sat-23 ta’ Marzu 2031, il-Kummissjoni għandha tadotta atti delegati li jistabbilixxu kriterji ta' bijodegradabbiltà u metodi ta' ttestjar għal sustanzi organiċi miżjuda intenzjonalment f'konċentrazzjoni ta' mill-inqas 10 % w/w tal-massa totali ta' sustanzi, eskluż l-ilma, fid-deterġenti, għajr l-aġenti tensjoattivi, ir-riti u l-polimeri fir-riti.

5.   L-għan tal-atti delegati msemmija fil-paragrafu 4 għandu jkun li jiġi żgurat livell għoli ta' protezzjoni tas-saħħa tal-bniedem u tal-ambjent. Meta tadotta tali atti delegati, il-Kummissjoni għandha tqis:

6.   Sat-23 ta’ Settembru 2028, il-Kummissjoni għandha tadotta att delegat f'konformità mal-Artikolu 31 biex temenda l-punt 7 fl-Anness II biex tistabbilixxi metodoloġija għall-valutazzjoni tar-riskju fil-livell tar-razza u fil-livell tal-prodott fil-kundizzjonijiet kollha tal-użu prevedibbli kif iddikjarat mill-manifattur.

Il-metodoloġija msemmija fl-ewwel subparagrafu għandu jkun fiha r-regoli għall-identifikazzjoni u l-karatterizzazzjoni tal-mikroorganiżmi u l-kriterji biex jiġi ddeterminat li d-deterġent huwa sikur għas-saħħa tal-bniedem u għall-ambjent, inkluż il-potenzjal ta' sensitizzazzjoni tal-ġilda u respiratorja tal-prodotti f'format ta' sprej, u r-riskji potenzjali fil-każ ta' inġestjoni ta' deterġenti użati fuq superfiċji f'kuntatt mal-ikel.

Il-metodoloġija msemmija fl-ewwel subparagrafu għandha tiġi stabbilita bl-użu ta' metodi ta' ttestjar li ma jinvolvux l-annimali, mingħajr preġudizzju għal kwalunkwe liġi rilevanti oħra tal-Unjoni, u ma għandhiex tipprevjeni l-użu ta' data storika.

7.   Il-Kummissjoni għandha s-setgħa tadotta atti delegati f'konformità mal-Artikolu 31 biex temenda l-Anness IV biex tistabbilixxi rekwiżiti armonizzati, inkluż format armonizzat, dwar kif l-iskeda tad-data dwar l-ingredjenti għandha tiġi pprovduta f'konformità mal-Artikolu 8(6), l-Artikolu 9(4), il-punt (a), l-Artikolu 10(3) u l-Artikolu 11(3), u li tistabbilixxi d-dettalji ta' dik il-komunikazzjoni u l-kundizzjonijiet li jeħtieġu aġġornament tal-iskeda tad-data dwar l-ingredjenti. Meta tiżviluppa dawk ir-rekwiżiti, dettalji u l-kundizzjonijiet, il-Kummissjoni għandha tqis il-ħtieġa li jiġi żgurat aċċess effettiv għall-iskeda tad-data dwar l-ingredjenti mill-korpi maħtura, kif ukoll il-ħtieġa li jiġi limitat il-piż amministrattiv.

8.   Meta fir-Regolament (KE) Nru 1223/2009 jiġu introdotti jew emendati l-limiti ta' konċentrazzjoni individwali bbażati fuq ir-riskju tal-fwejjaħ allerġeniċi, il-Kummissjoni għandha tadotta atti delegati f'konformità mal-Artikolu 31 ta' dan ir-Regolament biex temenda l-Anness V ta' dan ir-Regolament sabiex tadattah għal-limiti ta' konċentrazzjoni għall-fwejjaħ allerġeniċi elenkati fl-Anness III tar-Regolament (KE) Nru 1223/2009.

9.   Meta jiġu elenkati fwejjaħ allerġeniċi ġodda tal-fwejjaħ fl-Anness II jew III tar-Regolament (KE) Nru 1223/2009, il-Kummissjoni għandha tadotta atti delegati f'konformità mal-Artikolu 31 ta' dan ir-Regolament sabiex dawk il-fwejjaħ allerġeniċi jiżdiedu fil-Parti D tal-Anness V ta' dan ir-Regolament.

10.   Sal-1 ta’ Ottubru 2028, il-Kummissjoni għandha tadotta atti delegati f'konformità mal-Artikolu 31 biex tissupplimenta dan ir-Regolament billi tiddetermina r-rekwiżiti speċifiċi għat-tikkettar diġitali tad-deterġenti. Dawk ir-rekwiżiti għandhom tal-anqas jistabbilixxu liema tipi ta' soluzzjonijiet tal-IT jistgħu jużaw l-operaturi ekonomiċi, u l-mezzi alternattivi għall-għoti tal-informazzjoni dwar it-tikketta diġitali msemmija fl-Artikolu 19.

Meta tadotta l-atti delegati msemmija fl-ewwel subparagrafu, il-Kummissjoni għandha tqis il-kriterji li ġejjin:

11.   Il-Kummissjoni għandha s-setgħa tadotta atti delegati f'konformità mal-Artikolu 31 biex temenda l-Anness V fir-rigward tal-informazzjoni tat-tikkettar li l-operaturi ekonomiċi jistgħu jipprovdu biss b'mod diġitali, f'konformità mal-Artikolu 17(2), sabiex tadatta dak l-Anness għall-progress tekniku u xjentifiku u għal-livell ta' prontezza diġitali fost l-utenti finali tad-deterġenti u l-aġenti tensjoattivi. Meta tadotta dawk l-atti delegati, il-Kummissjoni għandha tqis il-ħtieġa li jiġi żgurat livell għoli ta' protezzjoni tas-saħħa tal-bniedem u tal-ambjent.

12.   Il-Kummissjoni għandha s-setgħa tadotta atti delegati f'konformità mal-Artikolu 31 biex temenda l-Anness VII sabiex taġġorna l-lista tal-kodiċijiet tal-komodità u d-deskrizzjonijiet tal-prodotti tad-deterġenti u l-aġenti tensjoattivi. Dawk l-emendi għandhom ikunu bbażati fuq il-lista li tinsab fl-Anness I tar-Regolament (KEE) Nru 2658/87.