Artikolu 34 Rapporti u rieżami

(a)

fir-rigward tad-deterġenti li fihom mikroorganiżmi, l-adegwatezza tar-rekwiżiti stabbiliti fl-Anness II biex tiġi żgurata s-sikurezza ta' dawk il-prodotti għas-saħħa tal-bniedem u għall-ambjent;

(b)

fir-rigward tal-bijodegradabbiltà, valutazzjoni tal-fattibbiltà tal-introduzzjoni ta' kriterji ta' bijodegradabbiltà għal sustanzi organiċi miżjuda intenzjonalment fid-deterġenti f'konċentrazzjonijiet aktar baxxi minn 10 % w/w tal-massa totali ta' sustanzi, eskluż l-ilma, għajr l-aġenti tensjoattivi, ir-riti u l-polimeri fir-riti, inkluż bil-ħsieb li tiġi eżaminata l-fattibbiltà li l-limitu ta' 10 % jiġi rivedut 'l isfel;

(c)

fir-rigward tal-protezzjoni tas-saħħa tal-bniedem u tal-ambjent mis-sustanzi l-aktar dannużi, valutazzjoni tal-ħtieġa li jiġu inklużi dispożizzjonijiet f'dan ir-Regolament dwar il-preżenza ta' dawk is-sustanzi fid-deterġenti u fl-aġenti tensjoattivi, filwaqt li titqies l-interazzjoni ta' dan ir-Regolament ma' liġijiet rilevanti oħra tal-Unjoni;

(d)

fir-rigward ta' deterġenti li fihom sustanzi attivi bijoċidali, minbarra dawk elenkati fl-Anness I tar-Regolament (UE) Nru 528/2012, valutazzjoni tal-ħtieġa li jiġu introdotti regoli aktar stretti;

(e)

fir-rigward tad-deterġenti li fihom il-fosfati u komposti oħra tal-fosfru, il-possibbiltà li jiġi limitat aktar il-kontenut tal-fosforu jew li jiżdiedu l-limitazzjonijiet tal-kontenut tal-fosforu fuq kategoriji oħra ta' prodotti fl-Anness III, bil-ħsieb li tiġi eżaminata l-fattibbiltà tat-tneħħija gradwali tal-fosfru, filwaqt li jitqies l-impatt fuq l-ambjent, id-disponibbiltà ta' alternattivi u l-impatt soċjoekonomiku tas-sostituzzjoni;

(f)

il-ħtieġa li jiġu introdotti regoli addizzjonali dwar it-tikkettar tad-deterġenti tal-ħasil tal-ħwejjeġ għall-konsumatur mibjugħa fi fliexken bl-għotjien, fejn tali għotjien huma maħsuba biex jintużaw bħala tazzi tal-kejl, filwaqt li jitqiesu kemm il-fattibbiltà kif ukoll il-potenzjal li jittejjeb l-użu korrett u sikur tad-deterġenti; u

(g)

il-ħtieġa, il-fattibbiltà, il-konsegwenzi tekniċi u l-benefiċċji għas-saħħa tal-bniedem, il-klima u l-ambjent tal-introduzzjoni ta' miri obbligatorji għall-materja prima rinnovabbli u l-kontenut riċiklat fid-deterġenti u l-aġenti tensjoattivi, filwaqt li jitqiesu l-impatt soċjoekonomiku, il-kompetittività tal-operaturi ekonomiċi fl-Unjoni, l-akkwist sostenibbli u l-użu ta' materja prima rinnovabbli, il-potenzjal ta' mitigazzjoni tat-tibdil fil-klima u l-potenzjal għall-użu tal-iskart tal-ikel fid-deterġenti u l-aġenti tensjoattivi.