Artikolu 8 Rapporti ta’ trasparenza mill-awtoritajiet kompetenti

(a)

l-għadd ta’ ordnijiet ta’ tneħħija maħruġa taħt l-Artikolu 3, fejn jiġu speċifikati l-għadd ta’ ordnijiet ta’ tneħħija soġġetti għall-Artikolu 4(1), l-għadd ta’ ordnijiet ta’ tneħħija skrutinizzati taħt l-Artikolu 4, u tingħata informazzjoni dwar l-implimentazzjoni ta’ dawk l-ordnijiet ta’ tneħħija mill-fornituri ta’ servizzi ta’ hosting ikkonċernati, inklużi l-għadd ta’ każijiet li fihom il-kontenut terroristiku tneħħa jew l-aċċess għalih ġie diżattivat u l-għadd ta’ każijiet li fihom il-kontenut terroristiku ma tneħħiex jew l-aċċess għalih ma ġiex diżattivat;

(b)

l-għadd ta’ deċiżjonijiet meħuda f’konformità mal-Artikolu 5(4), (6) jew (7), u informazzjoni dwar l-implimentazzjoni ta’ dawk id-deċiżjonijiet minn fornituri ta’ servizzi ta’ hosting, inkluża deskrizzjoni tal-miżuri speċifiċi;

(c)

l-għadd ta’ każijiet li fihom ordnijiet ta’ tneħħija u deċiżjonijiet meħuda f’konformità mal-Artikolu 5(4) u (6) kienu soġġetti għal proċedimenti ta’ rieżami amministrattiv jew ta’ stħarriġ ġudizzjarju u informazzjoni dwar l-eżitu tal-proċedimenti rilevanti;

(d)

l-għadd ta’ deċiżjonijiet li jimponu penali f’konformità mal-Artikolu 18, u deskrizzjoni tat-tip ta’ penali imposta.