ANNESS V Restrizzjonijiet fuq l-użu tal-formati tal-imballaġġ

Format tal-imballaġġ

Użu ristrett

Eżempju illustrattiv

1.

Imballaġġ kollettiv tal-plastik li jintuża darba biss

L-imballaġġ tal-plastik li jintuża darba biss użat fil-punt tal-bejgħ biex jiġbor il-prodotti mibjugħa fi fliexken, f'bottijiet, f'laned, fi bramel u f'pakketti ddisinjati bħala imballaġġ ta' konvenjenza biex jippermetti jew jinkoraġġixxi lill-konsumaturi jixtru aktar minn prodott wieħed. Dan jeskludi l-imballaġġ kollettiv meħtieġ sabiex jiġi ffaċilitat l-immaniġġar.

Riti ta' kollazzjoni, tgeżwir li jiċkien fid-daqs

2.

Imballaġġ tal-plastik li jintuża darba biss għall-frott u għall-ħxejjex friski mhux ipproċessati

Imballaġġ tal-plastik li jintuża darba biss għal inqas minn 1,5  kg ta' frott u ħxejjex friski ppakkjati bil-lest. L-Istati Membri jistgħu jistabbilixxu eżenzjonijiet fir-rigward ta' din ir-restrizzjoni jekk jiġi muri l-bżonn li jiġi evitat telf ta' ilma jew telf ta' turġidità, perikli mikrobijoloġiċi jew xokkijiet fiżiċi, ossidazzjoni, jew jekk ma jkunx hemm possibbiltajiet oħra biex il-frott u l-ħxejjex organiċi ma jitħalltux mal-frott u l-ħxejjex mhux organiċi, f'konformità mar-rekwiżiti fir-Regolament (UE) 2018/848 tal-Parlament Ewropew u tal-Kunsill (1) dwar iċ-ċertifikazzjoni jew it-tikkettar, mingħajr ma jiġġarrbu kostijiet ekonomiċi u amministrattivi sproporzjonati.

Xbieki, boroż, trays, kontenituri

3.

Imballaġġ tal-plastik li jintuża darba biss

L-imballaġġ tal-plastik li jintuża darba biss għall-ikel u għax-xorb mimli u kkunsmat fil-bini fis-settur HORECA, li jinkludi ż-żoni kollha tal-ikel ġewwa u barra post tan-negozju, li fihom ikun hemm imwejjed u banketti, żoni bilwieqfa, u żoni tal-ikel offruti lill-utenti finali b'mod konġunt minn diversi operaturi ekonomiċi jew parti terza għall-finijiet li jiġi kkunsmat l-ikel u x-xorb. L-istabbilimenti fis-settur tal-HORECA li ma għandhomx aċċess għall-ilma tax-xorb huma eżentati.

Trays, platti u tazzi li jintremew wara l-użu, basktijiet,, kaxxi

4.

Imballaġġ tal-plastik li jintuża darba biss għall-kondimenti, ikel ippreservat, zlazi, prodotti tal-krema tal-kafè, zokkor, u ħwawar fis-settur tal-HORECA

Imballaġġ tal-plastik li jintuża darba biss fis-settur HORECA, li fih porzjonijiet jew daqsijiet individwali, li jintuża għall-kondimenti, ikel ippreservat, zlazi, prodotti tal-krema tal-kafè, zokkor u ħwawar, għajr fil-każijiet li ġejjin:

Pakketti, bramel, trays, kaxxi

5.

Imballaġġ tas-settur tal-akkomodazzjoni li jintuża darba biss maħsub għal prenotazzjoni individwali

Imballaġġ li jintuża darba biss għall-kożmetiċi, il-prodotti tal-iġjene u tal-indafa personali biex jintużaw fis-settur tal-akkomodazzjoni, kif deskritt fin-NACE Rev. 2 – Klassifikazzjoni statistika tal-attivitajiet ekonomiċi, maħsuba għal prenotazzjoni individwali biss u bl-intenzjoni li jintremew qabel jasal il-mistieden ta' wara.

Fliexken tax-shampoo, fliexken tal-kremi tal-idejn u tal-ġisem, boroż żgħar madwar s-sapun

6.

Basktijiet tal-plastik ħfief ħafna

Basktijiet tal-plastik ħfief ħafna, għajr basktijiet tal-plastik ħfief ħafna meħtieġa għal raġunijiet ta' iġjene jew ipprovduti bħala imballaġġ għall-bejgħ għal ikel sfuż meta dan jgħin biex tiġi pprevenuta l-ħela tal-ikel.

Basktijiet irqaq ħafna pprovduti għal merċa bl-ingrossa