ANNESS X
Rekwiżiti minimi għas-sistemi ta' rifużjoni tad-depożitu
Għall-fini ta' dan l-Anness, tapplika d-definizzjoni li ġejja:
“operatur tas-sistema” tfisser kwalunkwe persuna fiżika jew ġuridika, li hija inkarigata b'responsabbiltà li tistabbilixxi jew topera sistema ta' rifużjoni tad-depożitu fi Stat Membru.
Rekwiżiti ġenerali minimi għas-sistemi ta' rifużjoni tad-depożitu
L-Istati Membri għandhom jiżguraw li s-sistemi ta' rifużjoni tad-depożitu stabbiliti fit-territorji tagħhom jissodisfaw ir-rekwiżiti minimi li ġejjin:
|
(a)
|
operatur ta' sistema wieħed ikun stabbilit jew liċenzjat jew, fil-każ li jkun hemm aktar minn operatur ta' sistema wieħed, l-Istat Membru għandu jadotta miżuri biex jiżgura l-koordinazzjoni bejn l-operaturi differenti ta' sistema;
|
|
(b)
|
ir-regoli ta' governanza u dawk operazzjonali relatati tas-sistema jippermettu aċċess ugwali u kundizzjonijiet ġusti tal-operaturi ekonomiċi kollha li jixtiequ jsiru parti mis-sistema, sakemm iqiegħdu fis-suq l-imballaġġ li jappartjeni għal tip jew kategorija ta' imballaġġ inkluża fis-sistema;
|
|
(c)
|
jiġu stabbiliti proċeduri ta' kontroll u sistemi ta' rapportar li jippermettu lill-operatur tas-sistema jikseb data dwar il-ġbir tal-imballaġġ kopert mis-sistema ta' rifużjoni tad-depożitu;
|
|
(d)
|
jiġi stabbilit livell minimu ta' depożitu, li jkun biżżejjed biex jinkisbu r-rati ta' ġbir meħtieġa;
|
|
(e)
|
jiġu stabbiliti rekwiżiti minimi dwar il-kapaċità finanzjarja tal-operatur tas-sistema li jippermettu lill-operatur tas-sistema jwettaq il-funzjonijiet tiegħu;
|
|
(f)
|
l-operatur tas-sistema jkun entità ġuridika indipendenti u mingħajr skop ta' qligħ;
|
|
(g)
|
l-operatur tas-sistema jwettaq esklużivament rwoli li jirriżultaw mir-regoli ta' dan ir-Regolament, u kwalunkwe rwol addizzjonali relatat mal-koordinazzjoni u mal-operat tas-sistema ta' rifużjoni tad-depożitu kif stabbilit mill-Istati Membri;
|
|
(h)
|
l-operatur tas-sistema jikkoordina l-funzjonament tas-sistema ta' rifużjoni tad-depożitu;
|
|
(i)
|
l-operatur tas-sistema jżomm bil-miktub:
|
(i)
|
statut li jistabbilixxi l-organizzazzjoni interna tas-sistema;
|
|
(ii)
|
evidenza tas-sistema ta' finanzjament tas-sistema;
|
|
(iii)
|
dikjarazzjoni li turi l-konformità tas-sistema mar-rekwiżiti stabbiliti f'dan ir-Regolament, kif ukoll kwalunkwe rekwiżit addizzjonali stabbilit fl-Istat Membru li topera fih;
|
|
|
(j)
|
ammont suffiċjenti tal-fatturat annwali tal-operatur tas-sistema jintuża għal kampanji ta' sensibilizzazzjoni pubblika dwar l- immaniġġar tal-iskart mill-imballaġġ;
|
|
(k)
|
l-operaturi tas-sistema jipprovdu kwalunkwe informazzjoni mitluba mill-awtoritajiet kompetenti ta' Stat Membru li fih topera s-sistema, għall-finijiet tal-monitoraġġ tal-konformità mar-rekwiżiti f'dan l-Anness;
|
|
(l)
|
L-Istati Membri għandhom jiżguraw li d-distributuri finali jkunu obbligati jaċċettaw l-imballaġġ abbinat ma' depożitu tal-materjal u l-format tal-imballaġġ li jiddistribwixxu u li jipprovdu lill-utenti finali b'depożiti rimborżati meta l-imballaġġ abbinat ma' depożitu jiġi rritornat, sakemm l-utenti finali ma jkollhomx mezzi ugwalment aċċessibbli għar-rimborż tad-depożitu wara l-użu tal-imballaġġ abbinat ma' depożitu, permezz ta' wieħed mill-mezzi ta' ġbir li, għall-imballaġġ tal-ikel, jiżguraw ir-riċiklaġġ tal-grad tal-ikel u li huma awtorizzati għal dak l-għan mill-awtoritajiet nazzjonali.
Dan l-obbligu ma japplikax meta l-erja tas-superfiċe tal-bejgħ ma tippermettix lill-utenti finali jirritornaw l-imballaġġ abbinat mad-depożitu. Madankollu, id-distributuri finali dejjem ser ikollhom jaċċettaw ir-ritorn tal-imballaġġ vojt tal-prodotti li jbigħu;
|
|
(m)
|
l-utent finali jkun jista' jirritorna l-imballaġġ abbinat ma' depożitu mingħajr il-ħtieġa li jixtri xi merkanzija; id-depożitu għandu jiġi rimborżat lill-utent finali;
|
|
(n)
|
l-imballaġġ kollu abbinat ma' depożitu li għandu jinġabar minn sistema ta rifużjoni tad-depożitu jkun ittikkettat b'mod ċar, sabiex l-utenti finali jkunu jistgħu jidentifikaw faċilment il-ħtieġa li imballaġġ bħal dan jiġi rritornat;
|
|
(o)
|
it-tariffi jkunu trasparenti.
|
Minbarra r-rekwiżiti minimi, l-Istati Membri jistgħu jistabbilixxu rekwiżiti addizzjonali, kif xieraq, sabiex jiżguraw li jintlaħqu l-objettivi ta' dan ir-Regolament, b'mod partikolari sabiex tiżdied il-purità tal-iskart mill-imballaġġ miġbur, jitnaqqas ir-rimi bl-addoċċ fi spazji pubbliċi jew jiġu promossi objettivi oħra tal-ekonomija ċirkolari.
L-Istati Membri b'reġjuni b'livell għoli ta' attivitajiet kummerċjali transkonfinali għandhom jiżguraw li s-sistemi ta' rifużjoni tad-depożitu jippermettu l-ġbir tal-imballaġġ mis-sistemi ta' rifużjoni tad-depożitu ta' Stati Membri oħra fil-punti tal-ġbir deżinjati u għandhom jagħmlu ħilithom biex jippermettu l-possibbiltà ta' ritorn ta' depożitu li jkun ġie impost fuq l-utent finali meta jixtri l-imballaġġ.