ANNESS XI Pjan ta' implimentazzjoni li għandu jiġi ppreżentat skont l-Artikolu 52(2), il-punt (d)

(a)

il-valutazzjoni tar-rati tal-passat, attwali u mbassra tar-riċiklaġġ, tar-rimi f'landfills u trattament ieħor tal-iskart mill-imballaġġ u l-flussi li huwa kompost minnhom;

(b)

il-valutazzjoni tal-implimentazzjoni tal-pjanijiet għall-immaniġġar tal-iskart u tal-programmi għall-prevenzjoni tal-iskart stabbiliti skont l-Artikoli 28 u 29 tad-Direttiva 2008/98/KE;

(c)

ir-raġunijiet li għalihom l-Istat Membru jikkunsidra li jista' ma jirnexxilux jilħaq il-mira rilevanti stabbilita fl-Artikolu 52(1), il-punt (b) jew (d), fi żmien l-iskadenza stabbilita fih u valutazzjoni tal-estensjoni taż-żmien meħtieġa biex tintlaħaq dik il-mira;

(d)

il-miżuri meħtieġa sabiex jintlaħqu l-miri stipulati fl-Artikolu 52(1), il-punt (b) jew (d), ta' dan ir-Regolament li huma applikabbli għall-Istat Membru matul l-estensjoni taż-żmien, li jinkludu strumenti ekonomiċi xierqa u miżuri oħrajn biex jipprovdu inċentivi għall-applikazzjoni tal-ġerarkija tal-iskart kif stipulata fl-Artikolu 4 tad-Direttiva 2008/98/KE;

(e)

l-iskeda taż-żmien għall-implimentazzjoni tal-miżuri identifikati fil-punt (d), id-determinazzjoni tal-korp kompetenti għall-implimentazzjoni tagħhom u l-valutazzjoni tal-kontribuzzjoni individwali tagħhom biex jintlaħqu l-miri applikabbli fil-każ ta' estensjoni taż-żmien;

(f)

l-informazzjoni dwar il-finanzjament għall-immaniġġar tal-iskart f'konformità mal-prinċipju ta' min iniġġes iħallas;

(g)

il-miżuri biex titjieb il-kwalità tad-data, kif xieraq, bil-għan li tittejjeb il-prestazzjoni tal-ippjanar u tal-monitoraġġ fl-immaniġġar tal-iskart.