1. Rekwiżiti ġenerali għas-sistemi għall-użu mill-ġdid

(a)

għandu jkollhom struttura ta' governanza definita b'mod ċar kif deskritt fil-linji gwida għall-governanza;

(b)

għandu jkollhom struttura ta' governanza li:

(c)

għandhom ikunu ddisinjati biex jiżguraw li l-imballaġġ riutilizzabbli li jkun għaddej f'rotazzjoni minnhom jikkompleta tal-inqas l-għadd minimu maħsub ta' rotazzjonijiet, kif stabbilit fl-att delegat adottat imsemmi fl-Artikolu 11(2);

(d)

għandu jkollhom regoli li jiddefinixxu l-funzjonament tagħhom, inkluż rekwiżiti għall-użu tal-imballaġġ, li huma aċċettati mill-parteċipanti kollha tas-sistema, u li:

(e)

għandu jkollhom operatur tas-sistema li jikkontrolla l-funzjonament xieraq tas-sistema u jivverifika jekk l-użu mill-ġdid huwiex attivat kif suppost;

(f)

għandu jkollhom regoli ta' rapportar li jippermettu l-aċċess għad-data dwar l-għadd ta' mili jew użi mill-ġdid (jiġifieri rotazzjonijiet għal kull kategorija) u ta' rifjuti, ir-rata ta' ġbir, (jiġifieri r-rati ta' ritorn), l-unitajiet ta' bejgħ jew l-unitajiet ekwivalenti, inkluż il-materjal u għal kull kategorija, jew stima medja jekk il-kalkolu ma jkunx fattibbli, l-għadd ta' unitajiet tal-imballaġġ riutilizzabbli jew li jista' jerġa' jimtela miżjuda fis-sistema, u l-għadd ta' unitajiet ta' imballaġġ li jkunu ġew immaniġġati mill-pjan għal tmiem il-ħajja;

(g)

għandhom jiżguraw li d-disinn tal-imballaġġ huwa stabbilit f'konformità mal-ispeċifikazzjonijiet jew l-istandards miftiehma b'mod reċiproku;

(h)

għandhom jiżguraw distribuzzjoni ġusta tal-kostijiet u tal-benefiċċji għall-parteċipanti kollha tas-sistema;

(i)

għandhom jiżguraw l-implimentazzjoni tal-obbligi ta' responsabbiltà estiża tal-produttur għall-imballaġġ riutilizzabbli użat fis-sistema u li jkun sar skart.