Artikolu 72
Id-divulgazzjoni ta’ informazzjoni lill-FIU in bona fede minn entità marbuta b’obbligu jew minn impjegat jew minn direttur ta’ tali entità marbuta b’obbligu f’konformità mal-Artikoli 69 u 70 ma għandhiex tikkostitwixxi ksur ta’ xi restrizzjoni fuq id-divulgazzjoni ta’ informazzjoni imposta b’kuntratt jew bi kwalunkwe dispożizzjoni leġiżlattiva, regolatorja jew amministrattiva, u ma għandhiex tinvolvi lill-entità marbuta b’obbligu jew lid-diretturi jew lill-impjegati tagħha f’responsabbiltà ta’ kwalunkwe tip lanqas f’ċirkostanzi fejn ma kinux konxji b’mod preċiż dwar l-attività kriminali sottostanti u irrispettivament minn jekk fil-fatt tkunx seħħet attività illegali.