Artikolu 348 Rekwiżiti ta’ fondi proprji għal CIUs

Mingħajr preġudizzju għal dispożizzjonijiet oħra f'din it-Taqsima, pożizzjonijiet f'CIUs għandhom ikunu soġġetti għal rekwiżit ta' fondi proprji għar-riskju tal-pożizzjoni, li jinkludi r-riskju ġenerali u speċifiku, ta' 32 %. Mingħajr preġudizzju għall-Artikolu 353 meħud flimkien mat-trattament emendat għad-deheb stabbilit fl-Artikolu 352(4) il-pożizzjonijiet f'CIUs għandhom ikunu soġġetti għal rekwiżit ta' fondi proprji għar-riskju tal-pożizzjoni, li jinkludi riskju ġenerali u speċifiku, u riskju tal-kambju ta' 40 %.

Sakemm ma jkunx stabbilit b’mod ieħor fl-Artikolu 350, ma huwa permess l-ebda netting bejn l-investimenti sottostanti ta' CIU u pożizzjonijiet oħra miżmuma mill-istituzzjoni.