+Artikolu 495b Arranġamenti tranżizzjonali għal skoperturi ta' self speċjalizzat
---+Artikolu 495b 1.
---+Artikolu 495b 2.
---+Artikolu 495b 3.
---+Artikolu 495b 4.

Artikolu 495b Arranġamenti tranżizzjonali għal skoperturi ta' self speċjalizzat

-

1. Ħarsa ġenerali

,
Artikolu 495b 1.

B'deroga mill-Artikolu 161(4), il-minimi tal-input tal-LGD applikabbli għal skoperturi ta' self speċjalizzat ittrattati skont l-Approċċ IRB meta jintużaw l-istimi proprji tal-LGD, għandhom ikunu l-minimi tal-input tal-LGD applikabbli previsti fl-Artikolu 161(4), immultiplikati bil-fatturi li ġejjin:

(a) 

50 % matul il-perjodu mill-1 ta' Jannar 2025 sal-31 ta' Diċembru 2027;

(b) 

80 % matul il-perjodu mill-1 ta' Jannar 2028 sal-31 ta' Diċembru 2028;

(c) 

100 % matul il-perjodu mill-1 ta' Jannar 2029 sal-31 ta' Diċembru 2029.
Artikolu 495b 2.
L-EBA għandha tħejji rapport dwar il-kalibrazzjoni xierqa tal-parametri tar-riskju, inkluż il-parametru tat-telf impost, applikabbli għal skoperturi ta' self speċjalizzat skont l-Approċċ IRB, u b'mod partikolari dwar l-istimi proprji tal-LGD u tal-minimi tal-input tal-LGD għal kull kategorija speċifika ta' skoperturi ta' self speċjalizzat kif imsemmi fl-Artikolu 147(8). L-EBA għandha b'mod partikolari tinkludi fir-rapport tagħha data dwar in-numri medji ta' inadempjenzi u telf realizzat osservati fl-Unjoni għal kampjuni differenti ta' istituzzjonijiet bi profili differenti tan-negozju u tar-riskju. L-EBA għandha tirrakkomanda kalibrazzjonijiet speċifiċi ta' parametri tar-riskju, inkluż il-parametru tat-telf impost, li jirriflettu l-profil tar-riskju speċifiku u differenti għal kull kategorija speċifika ta' skoperturi ta' self speċjalizzat.

L-EBA għandha tippreżenta dak ir-rapport lill-Parlament Ewropew u lill-Kunsill u lill-Kummissjoni sal-10 ta’ Lulju 2026.

Abbażi ta' dak ir-rapport u filwaqt li jitqiesu kif xieraq l-istandards relatati miftiehma internazzjonalment żviluppati mill-BCBS, il-Kummissjoni għandha, fejn xieraq, tippreżenta proposta leġiżlattiva lill-Parlament Ewropew u lill-Kunsill sal-31 ta' Diċembru 2027.
Artikolu 495b 3.

B'deroga mill-Artikolu 122a(3), il-punt (a), l-iskoperturi ta' self speċjalizzat kif imsemmija f'dak il-punt li għalihom ma tkunx disponibbli valutazzjoni tal-kreditu direttament applikabbli minn ECAI nominata jistgħu, sal-31 ta' Diċembru 2032, jiġu assenjati piż tar-riskju ta' 80 %, meta l-aġġustament għar-rekwiżiti ta' fondi proprji għar-riskju ta' kreditu msemmi fl-Artikolu 501a ma jiġix applikat u l-iskopertura titqies li tkun ta' kwalità għolja meta jitqiesu l-kriterji kollha li ġejjin:

(a) 

id-debitur jista' jissodisfa l-obbligi finanzjarji tiegħu anke taħt kundizzjonijiet ta' stress serju minħabba l-preżenza tal-karatteristiċi kollha li ġejjin:

(i) 

skopertura adegwata għall-valur tal-iskopertura;

(ii) 

profil konservattiv ta' ripagament tal-iskopertura;

(iii) 

il-ħajja li jifdal tal-assi tkun proporzjonali għall-ħlas sħiħ tal-iskopertura jew inkella rikors għal fornitur tal-protezzjoni b'affidabbiltà kreditizja għolja;

(iv) 

riskju baxx ta' rifinanzjament tal-iskopertura mid-debitur jew inkella dak ir-riskju jiġi mmitigat adegwatament b'valur tal-assi residwu proporzjonali jew b'rikors għal fornitur tal-protezzjoni b'affidabbiltà kreditizja għolja;

(v) 

id-debitur ikollu restrizzjonijiet kuntrattwali fuq l-attività u l-istruttura ta' finanzjament tiegħu;

(vi) 

id-debitur juża derivattivi għall-finijiet ta' mitigazzjoni tar-riskju biss;

(vii) 

ir-riskji operazzjonali materjali jiġu mmaniġġati kif xieraq;

(b) 

l-arranġamenti kuntrattwali fuq l-assi jipprovdu lill-mutwanti grad għoli ta' protezzjoni, inkluż il-karatteristiċi li ġejjin:

(i) 

il-mutwanti jkollhom dritt legalment infurzabbli fl-ewwel post għall-assi finanzjati u, fejn ikun applikabbli, għall-introjtu li jiġġeneraw;

(ii) 

ikun hemm restrizzjonijiet kuntrattwali fuq il-kapaċità tad-debitur li jagħmel bidliet għall-assi li jkollhom impatt negattiv fuq il-valur tiegħu;

(iii) 

meta l-assi jkun għadu qed jinbena, il-mutwanti jkollhom dritt legalment infurzabbli fl-ewwel post għall-assi u għall-kuntratti ta' kostruzzjoni sottostanti;

(c) 

l-assi li jkunu qed jiġu ffinanzjati jissodisfaw l-istandards kollha li ġejjin biex joperaw b'mod sod u effettiv:

(i) 

it-teknoloġija u d-disinn tal-assi jkunu ttestjati;

(ii) 

ikunu nkisbu l-permessi u l-awtorizzazzjonijiet meħtieġa kollha għat-tħaddim tal-assi;

(iii) 

meta l-assi jkun għadu qed jinbena, id-debitur ikollu salvagwardji adegwati dwar l-ispeċifikazzjonijiet, il-baġit u d-data tat-tlestija miftiehma tal-assi, inkluż garanziji ta' tlestija b'saħħithom jew l-involviment ta' bennej tal-esperjenza u dispożizzjonijiet kuntrattwali adegwati għad-danni likwidati.
Artikolu 495b 4.

L-EBA għandha tħejji rapport, fejn tanalizza dan li ġej:

(a) 

l-evoluzzjoni tax-xejriet u l-kundizzjonijiet fis-swieq għall-finanzjament ta' oġġetti fl-Unjoni;

(b) 

il-livell ta' riskju effettiv tal-iskoperturi ta' finanzjament ta' oġġetti matul ċiklu ekonomiku sħiħ;

(c) 

l-impatt fuq ir-rekwiżiti ta' fondi proprji tat-trattament stabbilit fl-Artikolu 122a(3), il-punt (a), għal skoperturi ta' finanzjament ta' oġġetti, mingħajr ma jitqies l-Artikolu 465(1);

(d) 

l-adegwatezza tad-definizzjoni tas-subklassi ta' “finanzjament ta' oġġetti ta' kwalità għolja” u li dik is-subklassi ta' skoperturi tiġi assenjata trattament prudenzjali differenti.

L-EBA għandha tippreżenta dak ir-rapport lill-Parlament Ewropew, lill-Kunsill u lill-Kummissjoni sal-31 ta' Diċembru 2030.

Abbażi ta' dak ir-rapport u filwaqt li jitqiesu kif xieraq l-istandards relatati miftiehma internazzjonalment żviluppati mill-BCBS, il-Kummissjoni għandha, fejn xieraq, tippreżenta proposta leġiżlattiva lill-Parlament Ewropew u lill-Kunsill sal-31 ta' Diċembru 2031.

1.1 Referenzi

1.2 Rekwiżiti identifikati

1.3 Standards relatati

2. Rekwiżiti identifikati

Rekwiżiti

3. Standards relatati

Standards