Artikolu 6 Notifika ta’ esternalizzazzjoni tal-obbligi ta’ rapportar

1.   L-entitajiet finanzjarji li jkunu esternalizzaw l-obbligu ta’ rapportar ta’ inċidenti kbar relatati mal-ICT f’konformità mal-Artikolu 19(5) tar-Regolament (UE) 2022/2554 għandhom jinfurmaw lill-awtorità kompetenti tagħhom dwar dak l-arranġament ta’ esternalizzazzjoni malli jiġi konkluż l-arranġament ta’ esternalizzazzjoni u mhux aktar tard qabel l-ewwel notifika jew rapportar.

2.   L-entitajiet finanzjarji għandhom jipprovdu lill-awtorità kompetenti l-isem, id-dettalji ta’ kuntatt, u l-kodiċi ta’ identifikazzjoni tal-parti terza li se tippreżenta n-notifiki jew ir-rapporti ta’ inċidenti kbar relatati mal-ICT għalihom.

3.   L-entitajiet finanzjarji għandhom jinfurmaw lill-awtorità kompetenti tagħhom malli ma jibqgħux jesternalizzaw l-obbligi ta’ rapportar tagħhom kif imsemmi fl-Artikolu 19(5) tar-Regolament (UE) 2022/2554.