Airteagal 6 Fógra maidir le seachfhoinsiú na n-oibleagáidí tuairiscithe

1.   Eintitis airgeadais a sheachfhoinsíonn an oibleagáid mórtheagmhais a bhaineann le TFC a thuairisciú i gcomhréir le hAirteagal 19(5) de Rialachán (AE) 2022/2554, cuirfidh siad a n-údarás inniúil ar an eolas faoin socrú seachfhoinsithe sin a luaithe a bheidh an socrú seachfhoinsithe tugtha i gcrích agus ar a dhéanaí roimh an gcéad fhógra nó an chéad tuairisciú.

2.   Soláthróidh eintitis airgeadais don údarás inniúil ainm, sonraí teagmhála, agus cód aitheantais an tríú páirtí a chuirfidh isteach na fógraí nó na tuarascálacha maidir le mórtheagmhais a bhaineann le TFC dóibh.

3.   Cuirfidh eintitis airgeadais a n-údarás inniúil ar an eolas a luaithe nach ndéanfaidh siad a n-oibleagáidí tuairiscithe dá dtagraítear in Airteagal 19(5) de Rialachán (AE) 2022/2554 a sheachfhoinsiú a thuilleadh.