Artikolu 161 7.

Meta istituzzjoni li tuża l-istimi proprji tal-LGD għal tip partikolari ta' skoperturi mhux iggarantiti għal korporattivi u skoperturi mhux iggarantiti għal gvernijiet reġjonali, awtoritajiet lokali u entitajiet tas-settur pubbliku ma tkunx tista' tqis l-effett tal-protezzjoni ta' kreditu ffinanzjata li tiggarantixxi waħda mill-iskoperturi ta' dak it-tip ta' skoperturi fl-istima proprja tal-LGD minħabba nuqqas ta' data dwar l-irkupri għal dik il-protezzjoni ta' kreditu ffinanzjata, l-istituzzjoni għandha titħalla tapplika l-formula stabbilita fl-Artikolu 230, bl-eċċezzjoni li l-LGDU f'dik il-formula għandu jkun l-istima proprja tal-istituzzjoni tal-LGD għal skoperturi mhux iggarantiti. F'dak il-każ, il-protezzjoni ta' kreditu finanzjata għandha tkun eliġibbli f'konformità mal-Kapitolu 4 u l-istima proprja tal-istituzzjoni tal-LGD użati bħala l-LGDU għandha tiġi kkalkulata abbażi tat-telf sottostanti bl-esklużjoni ta' kwalunkwe rkupru li jirriżulta minn dik il-protezzjoni ta' kreditu finanzjata.