Artikolu 495c Arranġamenti tranżizzjonali għal skoperturi ta' kiri bħala teknika ta' mitigazzjoni tar-riskju ta’ kreditu

B'deroga mill-Artikolu 230, il-valur applikabbli ta' Hc li jikkorrispondi għal “kollateral fiżiku ieħor” għall-iskoperturi msemmija fl-Artikolu 199(7) meta l-assi mikrija tikkorrispondi għat-tip ta' “kollateral fiżiku ieħor” ta' protezzjoni ta' kreditu finanzjata, għandu jkun il-valur ta' Hc għal "kollateral fiżiku ieħor previst fl-Artikolu 230(2), it-Tabella 1, immultiplikat bil-fatturi li ġejjin:

L-EBA għandha tħejji rapport dwar il-kalibrazzjonijiet xierqa tal-parametri tar-riskju assoċjati mal-iskoperturi ta' kiri skont l-Approċċ IRB, u tal-piżijiet tar-riskju skont l-Approċċ Standardizzat, u b'mod partikolari dwar l-LGDs u l-Hc previsti fl-Artikolu 230. L-EBA għandha b'mod partikolari tinkludi fir-rapport tagħha data dwar in-numri medji ta' inadempjenzi u t-telf realizzat osservati fl-Unjoni għal skoperturi assoċjati ma' tipi differenti ta' proprjetajiet mikrija u tipi differenti ta' istituzzjonijiet li jwettqu attivitajiet ta' kiri.