Artikolu 495f
Arranġamenti tranżizzjonali għar-rekwiżiti ta' rivalwazzjoni tal-proprjetà
B'deroga mill-Artikolu 229(1), il-punti (a) sa (d), għal skoperturi ggarantiti permezz ta' proprjetà residenzjali jew proprjetà immobbli kummerċjali mogħtija qabel l-1 ta' Jannar 2025, l-istituzzjonijiet jistgħu jkomplu jivvalutaw il-proprjetà residenzjali jew il-proprjetà immobbli kummerċjali bil-valur tas-suq jew inqas minnu, jew f'dawk l-Istati Membri li jkunu pprevedew kriterji rigorużi għall-valutazzjoni tal-valur tas-self ipotekarju f'dispożizzjonijiet statutorji jew regolatorji, il-valur tas-self ipotekarju ta' dik il-proprjetà, sakemm ikun meħtieġ rieżami tal-valur tal-proprjetà f'konformità mal-Artikolu 208(3), jew sal-31 ta' Diċembru 2027, skont liema jiġi l-ewwel.