22. The level at which to define liquidity horizons

L-istituzzjonijiet għandhom jiddokumetaw il-kriterji użati fid-determinazzjoni tal-orizzont rilevanti ta‟ likwidità għal pożizzjoni jew għal sett ta‟ pożizzjonijiet. Il-metodoloġija biex dawk il-kriterji jiġu kkonvertiti f‟orizzont definit ta‟ likwidità għandha tiġi ukoll iddokumentata u applikata b‟mod konsistenti għall-pożizzjonijiet kollha.

Firxa wiesgħa ta‟ kriterji jistgħu jindikaw il-likwidità ta‟ pożizzjoni, ibbażati fuq esperjenza preċedenti, l-istruttura tas-suq, u l-kwalità jew il-kumplessità tal-prodott. L-istituzzjonijiet għandhom jidentifikaw firxa ta‟ kriterji li jemmnu li jiddefinixxu b‟mod materjali l-orizzont ta‟ likwidità tal-portafolli tagħhom. Dawn il-kriterji jinkludu:

• i. L-attività tas-suq, kif riflessa fl-għadd u l-volum ta‟ kummerċ fi strument jew f‟isem, jew fid-daqs ta‟ firxiet storiċi bejn it-talba u l-offerta;
• ii. L-istruttura tas-suq, bħall-għadd u d-distribuzzjoni ta‟ ġeneraturi tas-suq u kwotazzjonijiet;
• iii. Id-daqs ta‟ pożizzjoni (relattiv għall-volumi medji ta‟ kummerċ/daqs globali tas-suq);
• iv. Il-kwalità tal-investiment (eż. il-klassifikazzjoni tal-kreditu);
• v. Il-lok ġeografiku ta‟ emittent;
• vi. Il-maturità.

Tal-inqas wieħed mill-kriterji kkunsidrati fid-determinazzjoni ta‟ orizzont ta‟ likwidità għandu jkun direttament marbut man-natura kkonċentrata tal-pożizzjonijiet (pereżempju, permezz tad-daqs ta‟ pożizzjoni relattiv għad-daqs tas-suq jew għal volumi medji ta‟ kummerċ), peress li l-orizzont ta‟ likwidità huwa mistenni li jkun akbar għal pożizzjonijiet li jkunu kkonċentrati, li jirrifletti l-perjodu itwal meħtieġ biex pożizzjonijiet bħal dawn jiġu llikwidati.