6.4 Informazzjoni dwar l-ippjanar tal-kapital

Dwar l-ippjanar tal-kapital, l-awtoritajiet kompetenti għandhom jiżguraw li mill-istituzzjonijiet jirċievu dan li ġej:

• a. deskrizzjoni tal-istabbiliment ġenerali tal-ippjanar tal-kapital, inkluż id-dimensjonijiet ikkunsidrati (eż. interni, regolatorji), orizzont taż-żmien, strumenti tal-kapital, miżuri tal-kapital eċċ.;
• b. deskrizzjoni tas-suppożizzjonijiet ewlenin li jsejsu l-ippjanar tal-kapital.

6.4.2 Dokumentazzjoni operazzjonali

Dwar l-evidenzjar tal-implimentazzjoni sħiħa tal-ippjanar tal-kapital, l-awtoritajiet kompetenti għandhom jiżguraw li mill-istituzzjonijiet jirċievu dan li ġej:

• a. ħsieb li jħares 'il quddiem dwar l-iżvilupp tar-riskji u l-kapital f'termini kemm tal-kapital intern kif ukoll tal-fondi proprji regolatorji;
• b. deskrizzjoni tal-konklużjonijiet attwali mill-ippjanar tal-kapital bħal ħruġ ippjanat ta' diversi strumenti tal-kapital, miżuri tal-kapital oħra (eż. politika dwar id-dividends) u bidliet ippjanati fil-karta tal-bilanċ (eż. il-bejgħ tal-portafolli eċċ.).