8.3 Proċeduri ta’ indebolimenti u tħassir;

L- istituzzjonijiet ta’ kreditu għandhom jadottaw, jiddokumentaw u jaderixxu ma’ politiki, proċeduri u kontrolli sodi għall - valutazzjoni u l - kejl tal - provvedimenti ta’ telf u t - tħassir fuq l - NPEs skont il - Linji Gwida tal - EBA dwar il - prattiki ta’ ġestjoni tar - riskju ta’ kreditu u l - kontabilità għal telf ta’ kreditu mistenni. L - istituzzjonijiet ta’ kreditu għandhom jittestjaw retrospettivament l - istimi ta’ telf tagħhom kontra t - telf reali.

Dawn il - metodoloġiji għandhom jinkludu wkoll politiki u proċeduri dwar it - tħassir u l - irkupri kif definiti fil - Linji Gwida tal - EBA dwar prattiki ta’ ġestjoni tar - riskju ta’ kreditu u l - kontabilità għal telf ta’ kreditu mistenni. Il - politika dwar it - tħassir għandha tinkludi indikaturi użati biex jiġu vvalutati l - aspettattivi tal - irkupru u informazzjoni dettaljata dwar dawk l - iskoperturi li tħassru iżda għadhom soġġetti għal attività ta’ infurzar.

Skont il - Linji Gwida tal - EBA dwar prattiki ta’ ġestjoni tar - riskju ta’ kreditu u kontabilità għal telf mistenni ta’ kreditu, l - istituzzjonijiet ta’ kreditu għandu jkollhom fis - seħħ proċessi, sistemi, għodod u data komuni.

Il - funzjoni tal - awditjar intern ta’ istituzzjoni ta’ kreditu għandha tivverifika l - metodoloġiji użati skont il - Linji Gwida tal - EBA dwar il - governanza interna.³²

³² Linji gwida dwar il - governanza interna skont id - Direttiva 2013/36/UE (EBA/GL/2017/11).