1.2 Il - kamp ta’ applikazzjoni tad - ditti tal - investiment li huma soġġetti għall - ġbir tad - data dwar il - persuni li jaqilgħu pagi għoljin skont id - Direttiva (UE) 2019/2034

Meta tapplika l - linji gwida fil - livell konsolidat f’konformità mal - paragrafu 3, id - ditta ta’ investiment omm tal - UE, il - kumpanija azzjonarja ta’ investiment omm tal - UE, jew il - kumpanija azzjonarja finanzjarja mħallta omm tal - UE għandha tissottometti lis - superviżur tal - konsolidazzjoni d - data dwar il - persuni li jaqilgħu pagi għoljin kif stabbilit fit - Taqsima 2 għall - entitajiet kollha tal - grupp tad - ditti tal - investiment li huma soġġetti għal konsolidazzjoni prudenzjali.

Ditta ta’ investiment individwali li ma taqax fil - kamp ta applikazzjoni tal - konsolidazzjoni f’konformità mal - paragrafu 3, għandha tippreżenta lill - awtorità kompetenti d - data tagħha dwar il - persuni li jaqilgħu pagi għoljin kif stabbilit fit - Taqsima 2 fuq bażi individwali.

L- awtoritajiet kompetenti għandhom jiżguraw li l - fergħat ta’ ditti tal - investiment ta’ pajjiżi terzi stabbiliti fl - Istat Membru tagħhom jissottomettulhom id - data tagħhom dwar il - persuni li jaqilgħu pagi għoljin kif stabbilit fit - Taqsima 2.