Kamp ta’ applikazzjoni

Dawn il - linji gwida japplikaw fir - rigward ta’ emittenti tat - tokens irreferenzjati ma’ assi u tat - tokens tal - flus elettroniċi kif definit fil - punti 6 u 7 tal - Artikolu 3(1) tar - Regolament (UE) 2023/1114 (minn hawn ’il quddiem, għall - finijiet ta’ dawn il - linji gwida, imsejħa b’mod konġunt bħala l - “emittenti”).

Kwalunkwe dispożizzjoni ta’ dawn il - linji gwida relatata mal - kontenut tal - pjan ta’ rkupru fir - rigward tar - riżerva ta’ assi, inklużi l - paragrafu 29, in - numru 1) u 3), il - paragrafu 30, in - numru 6) u 7), il - paragrafu 31 u l - paragrafu 53, ma tapplikax għall - emittenti tat - tokens tal - flus elettroniċi li mhumiex soġġetti għar - rekwiżit li jżommu riżerva ta’ assi f’konformità mar - Regolament (UE) 2023/1114.