Suġġett

Biex jiġi żgurat li l-istrumenti ta' allokazzjoni kapitali msemmija fl-Artikolu 48e(2)(c) tad-Direttiva 2013/36/UE jkunu disponibbli għall-fergħa ta' pajjiż terz għal użu mhux ristrett u immedjat biex ikopru r-riskji jew it-telf malli jseħħu dawk ir-riskji jew it-telf, dawn il-linji gwida jispeċifikaw, skont l-Artikolu 48e(4) ta' dik id-Direttiva, ir-rekwiżit stabbilit fl-Artikolu 48e(2)(c) fir-rigward ta' dawk l-istrumenti.

Sabiex jiġi żgurat li r-rekwiżit minimu ta’ allokazzjoni kapitali msemmi fl-Artikolu 48e(1) tad-Direttiva 2013/36/UE depożitat fil-kont miżmum minn terzi tal-Artikolu 48e(3) ta’ dik id-Direttiva jinżamm f’kull ħin u jkun disponibbli għall-użu għall-finijiet tal-Artikolu 96 tad-Direttiva 2014/59/UE fil-każ ta’ riżoluzzjoni tal-fergħa ta’ pajjiż terz u għall-finijiet tal-istralċ tal-fergħa ta’ pajjiż terz f’konformità mal-liġi nazzjonali, dawn il-linji gwida jispeċifikaw kundizzjonijiet operazzjonali minimi li l-fergħat ta’ pajjiżi terzi għandhom jirrispettaw.