Artikolu 7 1.

Il-prodotti b’elementi diġitali li għandhom il-funzjonalità ewlenija ta’ kategorija ta’ prodotti stabbilita fl-Anness III għandhom jitqiesu bħala prodotti importanti b’elementi diġitali u għandhom ikunu soġġetti għall-proċeduri ta’ valutazzjoni ta’ konformità msemmija fl-Artikolu 32(2) u (3). L-integrazzjoni ta’ prodott b’elementi diġitali li għandu l-funzjonalità ewlenija ta’ kategorija ta’ prodott stabbilita fl-Anness III ma għandhiex fiha nnifisha tagħmel il-prodott li fih ikun integrat soġġett għall-proċeduri ta’ valutazzjoni tal-konformità msemmija fl-Artikolu 32(2) u (3).