Artikolu 3 Bidla tal-istatus ta’ entità taħt superviżjoni

Għall-finijiet ta’ dan ir-Regolament, entità taħt superviżjoni għandha tiġi kklassifikata bħala sinifikanti 12-il xahar wara li tkunu ġiet innotifikata b’deċiżjoni kif imsemmi fl-Artikolu 45(1) tar-Regolament (UE) Nru 468/2014 (BĊE/2014/17). Hija għandha tirrapporta informazzjoni skont it-Titolu II ta’ dan ir-Regolament bħala entità sinifikanti taħt superviżjoni fl-ewwel data ta’ referenza tar-rapportar li sseħħ wara li tkun ġiet ikklassifikata bħala sinifikanti.

Għall-finijiet ta’ dan ir-Regolament, entità taħt superviżjoni għandha tiġi kklassifikata bħala inqas sinifikanti meta tiġi nnotifikata b’deċiżjoni kif imsemmi fl-Artikolu 46(1) tar-Regolament (UE) Nru 468/2014 (BĊE/2014/17). Sussegwentement, hija għandha tirrapporta informazzjoni skont it-Titolu III ta’ dan ir-Regolament.