Artikolu 19 Dispożizzjonijiet tranżitorji

Jekk entità inqas sinifikanti taħt superviżjoni ssir sinifikanti qabel l-1 ta’ Jannar 2018 hija għandha tiġi kklassifikata bħala entità sinifikanti taħt superviżjoni għall-finijiet ta’ dan ir-Regolament 18-il xahar wara li tkun ġiet innotifikata b’deċiżjoni kif imsemmi fl-Artikolu 45(1) tar-Regolament (UE) Nru 468/2014 (BĊE/2014/17).

Jekk il-valur totali tal-assi ta’ entità inqas sinifikanti taħt superviżjoni fuq bażi individwali jew ikkonsolidata jaqbeż EUR 3 biljun qabel l-1 ta’ Jannar 2018 hija għandha tibda tirrapporta skont id-dispożizzjonijiet relevanti ta’ dan ir-Regolament fl-ewwel data ta’ referenza tar-rapportar li sseħħ mill-inqas 18-il xahar wara li jkun inqabeż il-livell minimu.

Jekk il-valur totali tal-assi ta’ sussidjarja stabbilita fi Stat Membru mhux parteċipanti jew pajjiż terz jaqbeż EUR 3 biljun qabel l-1 ta’ Jannar 2018 l-informazzjoni għandha tiġi rrapportata skont l-Artikolu 9(1) fl-ewwel data ta’ referenza tar-rapportar li sseħħ ta’ mill-inqas 18-il xahar wara li jkun inqabeż il-livell minimu.