Artikolu 70 2.

id-dritt li ma jagħmlux dikjarazzjonijiet awtoinkriminanti;

id-dritt li jkunu assistiti minn persuna tal-għażla tagħhom;

id-dritt li jużaw kwalunkwe lingwa uffiċjali tal-Istat Membru fejn issir l-ispezzjoni;

id-dritt li jikkummentaw dwar il-fatti li jikkonċernawhom, ladarba l-ispezzjoni tkun tlestiet u qabel l-adozzjoni ta’ rapport skont l-Artikolu 67(4). L-istedina biex jitressqu kummenti għandha tinkludi sommarju tal-fatti li jikkonċernaw il-persuna inkwistjoni u għandha tindika limitu ta’ żmien adegwat għas-sottomissjoni tal-kummenti. F’każijiet debitament ġustifikati meta jkun meħtieġ biex titħares il-kunfidenzjalità tal-ispezzjoni jew ta’ investigazzjoni amministrattiva jew kriminali li tkun għaddejja jew futura minn awtorità nazzjonali, il-Kummissjoni tista’ tiddeċiedi li tiddifferixxi l-istedina biex jitressqu kummenti;

id-dritt li jirċievu kopja tar-reġistrazzjoni tal-intervista u japprovawha jew iżidu xi osservazzjonijiet;

meta l-Kummissjoni tkun għamlet rakkomandazzjonijiet ġudizzjarji skont l-Artikolu 67(4), u mingħajr preġudizzju għad-drittijiet ta’ kunfidenzjalità tal-informaturi u tal-kollaboraturi, u f’konformità mar-regoli applikabbli dwar il-kunfidenzjalità u l-protezzjoni tad-data, il-persuna inkwistjoni tista’ titlob lill-Kummissjoni tipprovdi r-rapport imfassal skont l-Artikolu 67(4) sa fejn dan ikun relatat ma’ dik il-persuna. Il-Kummissjoni għandha tagħti aċċess biss bil-kunsens espliċitu tar-riċevituri kollha tar-rapport.