Artikolu 39 2.

ikunu approvati mill-korp maniġerjali tal-entità finanzjarja;

ikunu ddokumentati u faċilment aċċessibbli fil-każ ta’ emerġenza jew kriżi;

jallokaw riżorsi suffiċjenti għall-eżekuzzjoni tagħhom;

jistabbilixxu livelli ta’ rkupru ppjanati u perjodi ta’ żmien għall-irkupru u t-tkomplija tal-funzjonijiet u d-dipendenzi interni u esterni ewlenin, inklużi fornituri terzi ta’ servizzi tal-ICT;

jidentifikaw il-kundizzjonijiet li jistgħu jwasslu għall-attivazzjoni tal-pjanijiet ta’ kontinwità tal-operat tal-ICT u x’azzjonijiet għandhom jittieħdu biex jiġu żgurati d-disponibbiltà, il-kontinwità u l-irkupru tal-assi tal-ICT tal-entitajiet finanzjarji li jappoġġaw funzjonijiet kritiċi jew importanti;

jidentifikaw il-miżuri ta’ restawr u ta’ rkupru għal funzjonijiet kummerċjali kritiċi jew importanti, proċessi ta’ appoġġ, assi ta’ informazzjoni u l-interdipendenzi tagħhom biex jiġu evitati effetti negattivi fuq il-funzjonament tal-entitajiet finanzjarji;

jidentifikaw proċeduri u miżuri dwar il-backup li jispeċifikaw l-ambitu tad-data li tkun soġġetta għall-backup, u l-frekwenza minima tal-backup, abbażi tal-kritikalità tal-informazzjoni jew tas-sensittività tad-data;

iqisu għażliet alternattivi fejn l-irkupru jista’ ma jkunx fattibbli fuq perjodu ta’ żmien qasir minħabba kostijiet, riskji, loġistika jew ċirkostanzi mhux previsti;

jispeċifikaw l-arranġamenti ta’ komunikazzjoni interni u esterni, inklużi l-pjanijiet ta’ eskalazzjoni;

ikunu aġġornati f’konformità mat-tagħlimiet meħuda minn inċidenti, testijiet, riskji ġodda u theddid identifikat, objettivi ta’ rkupru mibdula, tibdiliet kbar fl-organizzazzjoni tal-entità finanzjarja u fl-assi tal-ICT li jappoġġaw funzjonijiet kritiċi jew kummerċjali.