4. Soláthróidh an soláthraí rátála ESG atá bunaithe lasmuigh den Aontas, agus iarratas ar aitheantas dá dtagraítear i mír 2 á chur isteach aige, an fhaisnéis seo a leanas do ESMA:
|
(a)
|
an fhaisnéis uile a liostaítear in Iarscríbhinn I;
|
|
(b)
|
an fhaisnéis uile is gá chun a léiriú go bhfuil na coinníollacha a leagtar síos i mír 1 den Airteagal seo á gcomhlíonadh;
|
|
(c)
|
an fhaisnéis uile is gá chun a léiriú do ESMA go bhfuil na socruithe uile is gá bunaithe ag an soláthraí rátála ESG atá bunaithe lasmuigh den Aontas chun na ceanglais dá dtagraítear i míreanna 2 agus 3 den Airteagal seo a chomhlíonadh;
|
|
(d)
|
liosta de na rátálacha ESG iarbhír nó ionchasacha atá beartaithe lena ndáileadh san Aontas;
|
|
(e)
|
i gcás inarb infheidhme, ainm agus sonraí teagmhála an údaráis inniúil tríú tír atá freagrach as maoirseacht a dhéanamh air.
|
Laistigh de 90 lá oibre ón iarratas ar aitheantas dá dtagraítear i mír 2 a fháil, déanfaidh ESMA cinneadh maidir le haitheantas a thabhairt. Cuirfidh ESMA an t-iarratasóir ar an eolas faoina chinneadh laistigh de chúig lá oibre ón gcinneadh a dhéanamh.