3. De mhaolú ar mhír 1, pointe (c), féadfaidh soláthraí rátála ESG iarraidh a thaisceadh le ESMA a bheith údaraithe chun tagarmharcanna a sholáthar ar choinníoll go gcuireann sé bearta sonracha i bhfeidhm, lena n-áirítear iad siúd dá dtagraítear i mír 2. Déanfaidh ESMA cinneadh i dtaobh an bhfuil na bearta atá molta ag an soláthraí rátála ESG iomchuí agus leordhóthanach maidir leis na rioscaí a d’fhéadfadh a bheith ann maidir le coinbhleachtaí leasa. Má mheasann ESMA nach bhfuil na bearta iomchuí nó leordhóthanach maidir leis na rioscaí a d’fhéadfadh a bheith ann maidir le coinbhleachtaí leasa, beidh feidhm ag mír 1, pointe (c).
Tabharfaidh an soláthraí rátála ESG fógra do ESMA faoi aon athrú suntasach ar na bearta a dhéanfaidh an soláthraí rátála ESG nó ina gcur chun feidhme sula gcuirfear athrú den sórt sin chun feidhme. Déanfaidh ESMA cinneadh i dtaobh an bhfuil na bearta fós iomchuí agus leordhóthanach maidir leis na rioscaí a d’fhéadfadh a bheith ann i ndáil le coinbhleachtaí leasa. Má mheasann ESMA nach bhfuil na bearta iomchuí nó leordhóthanacht a thuilleadh maidir leis na rioscaí a d’fhéadfadh a bheith ann i ndáil le coinbhleachtaí leasa, beidh feidhm ag mír 1, pointe (c).
Déanfaidh ESMA cinneadh dá dtagraítear sa chéad fhomhír agus sa dara fomhír den mhír seo laistigh de 30 lá oibre ó fhaisnéis iomlán a fháil faoi na bearta atá molta ag an soláthraí rátála ESG nó faoi aon athruithe substaintiúla orthu, nó laistigh de na spriocdhátaí a leagtar síos in Airteagal 7 i gcás ina bhfuil foirm measúnaithe ESMA mar chuid dá mheastóireacht ar iarratas an tsoláthraí rátála ESG ar údarú.