+Airteagal 36 An oibleagáid cúlchiste sócmhainní a bheith acu, agus comhdhéanamh agus bainistíocht cúlchiste sócmhainní den sórt sin
---+Airteagal 36 1.
---+Airteagal 36 2.
---+Airteagal 36 3.
---+Airteagal 36 4.
---+Airteagal 36 5.
---+Airteagal 36 6.
---+Airteagal 36 7.
---+Airteagal 36 8.
---+Airteagal 36 9.
---+Airteagal 36 10.
---+Airteagal 36 11.
---+Airteagal 36 12.

Airteagal 36 An oibleagáid cúlchiste sócmhainní a bheith acu, agus comhdhéanamh agus bainistíocht cúlchiste sócmhainní den sórt sin

1. Forbhreathnú

,
Airteagal 36 1.
Déanfaidh eisitheoirí comharthaí sócmhainn-tagartha cúlchiste sócmhainní a bhunú agus a choimeád ar bun iad i gcónaí.

Déanfar an cúlchiste sócmhainní a chomhdhéanamh agus a bhainistiú ar bhealach ina ndéantar an méid seo a leanas:

(a) 

cumhdaítear na rioscaí a bhaineann leis na sócmhainní atá faoi thagairt ag na comharthaí sócmhainn-tagartha; agus

(b) 

tugtar aghaidh ar na rioscaí leachtachta a bhaineann le buanchearta fuascailte na sealbhóirí.
Airteagal 36 2.
Déanfar an cúlchiste sócmhainní a leithscaradh go dlíthiúil ó eastát na n-eisitheoirí, agus ón gcúlchiste sócmhainní comharthaí sócmhainn-tagartha eile, chun leasanna sealbhóirí comharthaí sócmhainn-tagartha i gcomhréir leis an dlí is infheidhme, ionas nach rachaidh creidiúnaithe na n-eisitheoirí ar iontaoibh an chúlchiste sócmhainní, go háirithe i gcás dócmhainneachta.
Airteagal 36 3.
Áiritheoidh eisitheoirí comharthaí sócmhainn-tagartha go ndéantar an cúlchiste sócmhainní a leithscaradh go hoibríochtúil óna n-eastát, agus ón gcúlchiste sócmhainní comharthaí eile.
Airteagal 36 4.
Forbróidh ÚBE, i ndlúthchomhar le ESMA agus le BCE, dréachtchaighdeáin theicniúla rialála lena sonraítear a thuilleadh na ceanglais leachtachta, agus aird á tabhairt ar mhéid, castacht agus cineál an chúlchiste sócmhainní agus an chomhartha sócmhainn-tagartha é féin.

Bunófar leis na caighdeáin theicniúla rialála an méid seo a leanas go háirithe:

(a) 

an céatadán ábhartha den chúlchiste sócmhainní de réir aibíochtaí laethúla, lena n-áirítear an céatadán de chomhaontuithe athcheannaigh droim ar ais is féidir a fhoirceannadh trí réamhfhógra aon lae oibre amháin a thabhairt, nó an céatadán d’airgead tirim is féidir a aistarraingt trí réamhfhógra aon lae oibre amháin a thabhairt;

(b) 

an céatadán ábhartha den chúlchiste sócmhainní de réir aibíochtaí seachtainiúla, lena n-áirítear an céatadán de chomhaontuithe athcheannaigh droim ar ais is féidir a fhoirceannadh trí réamhfhógra 5 lá oibre a thabhairt, nó an céatadán d’airgead tirim is féidir a aistarraingt trí réamhfhógra 5 lá oibre a thabhairt;

(c) 

aibíochtaí ábhartha eile, agus teicnící foriomlána le haghaidh bainistiú leachtachta;

(d) 

na híosmhéideanna i ngach airgeadra oifigiúil dá dtagraítear a shealbhú mar thaiscí in institiúidí creidmheasa, nach féidir a bheith níos lú ná 30 % den mhéid dá dtagraítear i ngach airgeadra oifigiúil.

Chun críocha phointí (a), (b) agus (c) den dara fomhír, cuirfidh ÚBE san áireamh, i measc nithe eile, na tairseacha ábhartha a leagtar síos in Airteagal 52 de Threoir 2009/65/CE.

Cuirfidh ÚBE na dréachtchaighdeáin theicniúla rialála dá dtagraítear sa chéad fhomhír faoi bhráid an Choimisiúin faoin 30 Meitheamh 2024.

Déantar an chumhacht a tharmligean chuig an gCoimisiún chun an Rialachán seo a fhorlíonadh trí na caighdeáin theicniúla rialála dá dtagraítear sa chéad fhomhír den mhír seo a ghlacadh i gcomhréir le hAirteagail 10 go 14 de Rialachán (AE) Uimh. 1093/2010.
Airteagal 36 5.
Déanfaidh eisitheoirí a thairgeann dhá chomhartha sócmhainn-tagartha nó níos mó don phobal linnte leithscartha de chúlchistí sócmhainní a oibriú agus a choimeád ar bun le haghaidh gach comhartha sócmhainn-tagartha. Déanfar gach ceann de na linnte sin de na cúlchistí sócmhainní a bhainistiú ar leithligh.

I gcás ina dtairgeann eisitheoirí éagsúla comharthaí sócmhainn-tagartha an comhartha sócmhainn-tagartha céanna don phobal, ní dhéanfaidh na heisitheoirí sin ach cúlchiste sócmhainní amháin a oibriú agus a choimeád ar bun don chomhartha sócmhainn-tagartha sin.
Airteagal 36 6.
Áiritheoidh comhlachtaí bainistíochta eisitheoirí comharthaí sócmhainn-tagartha go ndéantar an cúlchiste sócmhainní a bhainistiú ar bhealach éifeachtach stuama. Áiritheoidh na heisitheoirí go ndéantar eisiúint agus fuascailt comharthaí sócmhainn-tagartha a mheaitseáil i gcónaí le méadú nó laghdú comhfhreagrach ar an gcúlchiste sócmhainní.
Airteagal 36 7.
Déanfaidh eisitheoir comhartha sócmhainn-tagartha luach comhiomlán an chúlchiste sócmhainní a chinneadh trí phraghsanna an mhargaidh a úsáid. Beidh a luach comhiomlán cothrom ar a laghad le luach comhiomlán na n-éileamh i gcoinne an eisitheora ó shealbhóirí an chomhartha sócmhainn-tagartha i gcúrsaíocht.
Airteagal 36 8.

Beidh beartas soiléir mionsonraithe ag eisitheoirí comharthaí sócmhainn-tagartha ina dtugtar tuairisc ar shásra cobhsaíochta comharthaí den sórt sin. Sa bheartas sin, déanfar an méid seo a leanas go háirithe:

(a) 

na sócmhainní atá faoi thagairt ag na comharthaí sócmhainn-tagartha agus comhdhéanamh na sócmhainní sin a liostú;

(b) 

tuairisc a thabhairt ar an gcineál sócmhainní agus ar leithdháileadh beacht na sócmhainní a áirítear sa chúlchiste sócmhainní;

(c) 

measúnú mionsonraithe ar na rioscaí a áireamh ann, lena n-áirítear riosca creidmheasa, riosca margaidh, riosca comhchruinnithe agus riosca leachtachta mar thoradh ar an gcúlchiste sócmhainní;

(d) 

tuairisc a thabhairt ar an nós imeachta trína ndéantar na comharthaí sócmhainn-tagartha a eisiúint agus a fhuascailt, agus ar an nós imeachta trína mbeidh méadú agus laghdú comhfhreagrach ar an gcúlchiste sócmhainní mar thoradh ar an eisiúint agus ar an bhfuascailt sin;

(e) 

a lua an bhfuil cuid den chúlchiste sócmhainní infheistithe mar a fhoráiltear in Airteagal 38;

(f) 

i gcás ina n-infheistíonn eisitheoirí comharthaí sócmhainn-tagartha cuid den chúlchiste sócmhainní dá bhforáiltear in Airteagal 38, tuairisc mhionsonraithe a thabhairt ar an mbeartas infheistíochta agus measúnú a áireamh ar an gcaoi ar féidir leis an mbeartas infheistíochta sin difear a dhéanamh do luach an chúlchiste sócmhainní;

(g) 

tuairisc a thabhairt ar an nós imeachta chun comharthaí sócmhainn-tagartha a cheannach agus chun comharthaí den sórt sin a fhuascailt i gcoinne an chúlchiste sócmhainní, agus na daoine nó na catagóirí daoine atá i dteideal déanamh amhlaidh a liostú.
Airteagal 36 9.
Gan dochar d’Airteagal 34(12), tabharfaidh eisitheoirí comharthaí sócmhainn-tagartha sainordú d’iniúchadh neamhspleách ar an gcúlchiste sócmhainní gach 6 mhí, lena ndéantar measúnú ar chomhlíonadh rialacha na Caibidle seo, amhail ó dháta a n-údaraithe de bhun Airteagal 21 nó ó dháta formheasa an pháipéir bháin maidir le cripteashócmhainní de bhun Airteagal 17.
Airteagal 36 10.

Tabharfaidh an t-eisitheoir fógra faoi thorthaí an iniúchta dá dtagraítear i mír 9 don údarás inniúil gan mhoill, agus ar a dhéanaí laistigh de 6 seachtaine ó dháta tagartha na luachála. Foilseoidh an t-eisitheoir toradh an iniúchta laistigh de 2 sheachtain ón dáta ar tugadh fógra don údarás inniúil. Féadfaidh an t-údarás inniúil treoir a thabhairt d’eisitheoir moill a chur ar fhoilsiú thorthaí an iniúchta sna cásanna seo a leanas:

(a) 

ceanglaíodh ar an eisitheoir socrú téarnaimh nó bearta téarnaimh a chur chun feidhme i gcomhréir le hAirteagal 46(3);

(b) 

ceanglaíodh ar an eisitheoir plean fuascailte a chur chun feidhme i gcomhréir le hAirteagal 47;

(c) 

meastar gur gá leasanna eacnamaíocha shealbhóirí an chomhartha sócmhainn-tagartha a chosaint;

(d) 

meastar gur gá éifeacht dhíobhálach shuntasach ar chóras airgeadais an Bhallstáit baile nó ar chóras airgeadais Ballstáit eile a sheachaint.
Airteagal 36 11.
Déanfar an luacháil ag praghsanna an mhargaidh dá dtagraítear i mír 7 den Airteagal seo trí mharcáil de réir an mhargaidh a úsáid, mar a shainmhínítear in Airteagal 2, pointe (8), de Rialachán (AE) 2017/1131 ó Pharlaimint na hEorpa agus ón gComhairle ( 12 ), aon uair is féidir.

Agus luacháil marcála ón margadh á húsáid, déanfar an chúlsócmhainn a luacháil ag an taobh is stuama den tairgeadh agus den tairiscint ach amháin más féidir an chúlsócmhainn a dhúnadh amach sa mheánmhargadh. Ní úsáidfear ach sonraí margaidh de cháilíocht mhaith, agus déanfar measúnú ar shonraí den sórt sin bunaithe ar na tosca uile seo a leanas:

(a) 

líon agus cáilíocht na gcontrapháirtithe;

(b) 

méid agus láimhdeachas na cúlsócmhainne sa mhargadh;

(c) 

méid an chúlchiste sócmhainní.
Airteagal 36 12.
I gcás nach féidir marcáil de réir an mhargaidh dá dtagraítear i mír 11 den Airteagal seo a úsáid nó nach bhfuil na sonraí margaidh ar cháilíocht sách maith, déanfar an chúlsócmhainn a luacháil go coimeádach trí mharcáil de réir samhla a úsáid, mar a shainmhínítear in Airteagal 2, pointe (9), de Rialachán (AE) 2017/1131.

Leis an tsamhail, déanfar luach intreach na cúlsócmhainne a mheas go cruinn, bunaithe ar gach ceann de na príomhthosca cothrom le dáta seo a leanas:

(a) 

méid agus láimhdeachas na cúlsócmhainne sin sa mhargadh;

(b) 

méid an chúlchiste sócmhainní;

(c) 

an riosca margaidh, an riosca ráta úis agus an riosca creidmheasa a bhaineann leis an gcúlsócmhainn.

Agus marcáil de réir samhla á húsáid, ní úsáidfear modh an chostais amúchta, mar a shainmhínítear in Airteagal 2, pointe (10), de Rialachán (AE) 2017/1131.

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin
  • Builddate: 09.01.2024 00:00:00 -Doknr: CELEX:32023R1114
  • EULAW -

    EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

    DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.