Airteagal 59 Ceanglais stuamachta is infheidhme maidir le hinstitiúidí creidmheasa nó TLUanna a bheidh údaraithe chun seirbhísí coimhdeacha de chineál baincéireachta a chur ar fáil

bunóidh sí creat stóinsithe chun na rioscaí creidmheasa comhfhreagracha a bhainistiú;

sainaithneoidh sí foinsí an riosca creidmheasa sin go minic agus go rialta, tomhaisfidh sí neamhchosaintí creidmheasa comhfhreagracha agus déanfaidh sí faireachán orthu agus úsáidfidh sí uirlisí iomchuí um bainistiú riosca chun na rioscaí sin a rialú;

cumhdóidh sí neamhchosaintí creidmheasa comhfhreagracha go hiomlán ar iasachtaithe aonair ag baint úsáide as comhthaobhacht agus as acmhainní airgeadais coibhéiseacha eile;

má úsáidtear comhthaobhacht chun a riosca creidmheasa comhfhreagrach a bhainistiú, glacfaidh sí le comhthaobhacht atá an-leachtacht lena mbaineann an riosca is lú creidmheasa agus margaidh; féadfaidh sí cineálacha eile comhthaobhachta a úsáid i ndálaí sonracha má chuirtear caolchorrlach iomchuí i bhfeidhm;

bunóidh sí agus cuirfidh sí i bhfeidhm caolchorrlaigh choimeádacha iomchuí agus teorannacha comhchruinnithe ar luachanna comhthaobhachta atá bunaithe chun na neamhchosaintí creidmheasa dá dtagraítear i bpointe (c) a chumhdach, agus na cuspóirí go bhféadfar comhthaobhacht a leachtú go pras á gcur san áireamh gan éifeachtaí díobhálacha suntasacha a imirt ar phraghasanna;

leagfaidh sí síos teorainneacha ar a cuid neamhchosaintí creidmheasa comhfhreagracha;

déanfaidh sí anailís agus pleanálfaidh sí an bealach chun aghaidh a thabhairt ar aon neamhchosaintí creidmheasa iarmharaigh a d’fhéadfadh a bheith ann, agus glacfaidh sí rialacha agus nósanna imeachta chun na pleananna sin a chur chun feidhme;

ní sholáthróidh sí creidmheas ach amháin do rannpháirtithe a mbeidh cuntais airgid acu léi;

déanfaidh sí foráil le haghaidh nósanna imeachta éifeachtacha aisíocaíochta maidir le creidmheas ionlae agus molfaidh sí gan creidmheas thar oíche a úsáid trí rátaí smachtbhannaí a fheidhmiú a bheidh mar bhac éifeachtach.

beidh creat stóinsithe agus uirlisí aici chun a cuid rioscaí leachtachta a thomhas, a bhainistiú agus chun faireachán a dhéanamh orthu, lena n-áirítear rioscaí leachtachta ionlae, maidir le gach airgeadra den chóras socraíochta urrús a ngníomhóidh sí mar ghníomhaire socraíochta ina leith;

tomhaisfidh sí agus déanfaidh sí faireachán ar bhonn leanúnach agus tráthúil, agus ar bhonn laethúil ar a laghad, ar a riachtanais leachtachta agus leibhéal na sócmhainní leachtacha a bheidh á sealbhú aici; agus é sin á dhéanamh aici, cinnfidh sí luach na sócmhainní leachtacha atá ar fáil di agus caolchorrlaigh iomchuí na sócmhainní sin á gcur san áireamh aici;

coimeádfaidh sí nó sé acmhainní leachtacha leordhóthanacha cáilitheacha i ngach airgeadra ábhartha chun seirbhísí socraíochta a sholáthar go tráthúil faoi raon leathan cásanna féideartha struis lena n-áirítear an riosca leachtachta arna ghiniúint ag mainneachtain bheirt rannpháirtithe ar a laghad, lena n-áirítear a máthairghnóthais agus a fochuideachtaí nó a mháthairghnóthais agus a fhochuideachtaí, a bhfuil na neamhchosaintí is mó aici nó aige ina leith;

maolóidh sí nó sé na rioscaí leachtachta comhfhreagracha le hacmhainní leachtacha cáilitheacha i ngach airgeadra ábhartha, amhail airgead tirim ag banc ceannais na heisiúna agus ag institiúidí airgeadais inchairde eile, línte geallta creidmheasa nó socruithe comhchosúla agus comhthaobhacht an-leachtach nó infheistíochtaí atá ar fáil gan stró agus in-chomhshóite in airgead tirim le socruithe cistiúcháin ard-iontaofa agus réamhshocraithe, fiú amháin faoi dhálaí margaidh atá foircneach ach sochreidte, agus déanfaidh sí nó sé a riosca leachtachta a shainaithint agus a thomhas agus déanfaidh sí nó sé faireachán air, ar riosca é a eascraíonn as na hinstitiúidí éagsúla airgeadais a úsáidtear chun a rioscaí leachtachta a bhainistiú;

i gcás ina n-úsáidtear socruithe cistiúcháin ard-iontaofa agus réamhshocraithe, línte geallta creidmheasa nó socruithe comhchosúla, ní roghnóidh sí nó sé ach institiúidí airgeadais inchairde mar sholáthraithe leachtachta; déanfaidh sí nó sé teorainneacha comhchruinnithe iomchuí a bhunú agus a chur i bhfeidhm i gcás gach ceann de na soláthraithe leachtachta comhfhreagracha lena n-áirítear a máthairghnóthas agus a fochuideachtaí nó a mháthairghnóthas agus a fhochuideachtaí;

cinnfidh sí an leor na hacmhainní comhfhreagracha trí thástáil struis chuimsitheach a dhéanamh go rialta agus déanfaidh sí tástáil ar an méid sin;

déanfaidh sí anailís agus pleanálfaidh sí an bealach is fearr chun aghaidh a thabhairt ar aon easnaimh leachtachta neamhurraithe gan choinne a d’fhéadfadh a bheith ann, agus glacfaidh sí rialacha agus nósanna imeachta chun pleananna den sórt sin a chur chun feidhme;

i gcás ina mbeidh rogha phraiticiúil aici agus í sin ar fáil di, gan dochar do rialacha incháilitheachta an bhainc cheannais, beidh rochtain aici ar chuntais an bhainc cheannais agus ar sheirbhísí eile de chuid an bhainc cheannais chun a bainistiú ar na rioscaí leachtachta a bharrfheabhsú agus cuirfidh institiúidí creidmheasa an Aontais na hiarmhéideanna comhfhreagracha airgid i dtaisce i gcuntais thiomnaithe le bainc cheannais eisiúna an Aontais;

beidh socruithe ard-iontaofa agus réamhshocraithe aici nó aige chun a áirithiú gur féidir léi nó leis an chomhthaobhacht a sholáthair cliant mainneachtana di nó dó a chomhshó go tráthúil in airgead tirim agus, i gcás ina n-úsáidtear socruithe neamhgheallta, suífidh sí nó sé gur sainaithníodh agus gur maolaíodh aon rioscaí féideartha gaolmhara;

tuairisceoidh sí go rialta do na húdaráis dá dtagraítear in Airteagal 60(1) faoin mbealach ina ndéanann sí a rioscaí leachtachta a thomhas, a bhainistiú agus ina ndéanann sí faireachán orthu, rioscaí leachtachta ionlae san áireamh, agus déanfaidh sí an méid sin a nochtadh don phobal.