Airteagal 9
Gníomhaíochtaí do chúnamh airgeadais a roghnú
Déanfaidh an Coimisiún meastóireacht ar ghníomhaíochtaí a thíolactar. Le linn gníomhaíochtaí a roghnú do chúnamh airgeadais faoin gclár, déanfaidh an Coimisiún an méid seo a leanas a chur san áireamh:
(a)
na cuspóirí dá dtagraítear in Airteagal 1;
(b)
na coinníollacha a leagtar amach i gcolún iomchuí na hIarscríbhinne;
(c)
rannchuidiú na ngníomhaíochtaí i leith plódú ar na bóithre a laghdú;
(d)
tuillteanais choibhneasta chomhshaoil na ngníomhartha agus tuillteanais choibhneasta na ngníomhartha i dtéarmaí costais sheachtracha a laghdú, lena n-áirítear an rannchuidiú i leith laghdú a dhéanamh ar éifeachtaí diúltacha comhshaoil de thoradh ar loingseoireacht farraige ghairid, iompar iarnróid agus iompar uiscebhealaí intíre. Tabharfar aird faoi leith ar ghníomhaíochtaí a théann thar cheanglais chomhshaoil atá ceangailteach ó thaobh dlí;
(e)
inbhuaine na ngníomhaíochtaí ina n-iomláine.
Tar éis dó an coiste dá dtagraítear in Airteagal 10 a chur ar an eolas, glacfaidh an Coimisiún an cinneadh chun cúnamh airgeadais a dheonú.
Cuirfidh an Coimisiún na tairbhithe ar an eolas faoina chinneadh.
▼B