+CAIBIDIL I FORÁLACHA GINEARÁLTA
---+Airteagal 1 Raon feidhme
------+Article 1 1.
------+Article 1 2.
------+Article 1 3.
------+Article 1 4.
---+Airteagal 2 Sainmhínithe
---+Airteagal 3 Saoirse chun seirbhísí a sholáthar
------+Article 3 1.
------+Article 3 2.

CAIBIDIL I FORÁLACHA GINEARÁLTA

CAIBIDIL I FORÁLACHA GINEARÁLTA

1. Forbhreathnú

,
Airteagal 1 Raon feidhme

Airteagal 1

Raon feidhme

1.  Beidh feidhm ag an Rialachán seo maidir le hiompar idirnáisiúnta paisinéirí de chóiste nó de bhus laistigh de chríoch an Chomhphobail ag iompróirí ar fruiliú nó ar airgead nó ag iompróirí atá ag obair ar a son féin atá bunaithe i mBallstát de réir dlí an Bhallstáit sin, ag baint úsáide as feithiclí atá cláraithe sa Bhallstát sin agus atá oiriúnach de bhua a dtógála agus a dtrealamh chun níos mó ná naonúr a iompar, an tiománaí san áireamh, agus atá ceaptha le haghaidh sin agus maidir le gluaiseacht feithiclí dá leithéid agus iad folamh i dtaca le hiompar dá leithéid.

Ní dhéanfaidh athrú feithicle ná briseadh iompair chun cuid den turas a dhéanamh trí mheán eile iompair difear d'fheidhmiú an Rialacháin seo.

2.  I gcás iompair ó Bhallstát chuig tríú tír agus vice versa beidh feidhm ag an Rialachán seo i dtaca leis an gcuid sin den turas ar chríoch aon Bhallstáit a thrasnaítear in idirthuras. Ní bheidh feidhm aige i leith na coda sin den turas laistigh de chríoch an Bhallstáit ina mbailítear nó ina scaoiltear amach paisinéirí fad nach bhfuil an comhaontú is gá idir an Comhphobal agus an tríú tír lena mbaineann tugtha i gcrích.

3.  Go dtí go dtabharfar i gcrích na comhaontuithe dá dtagraítear i mír 2, ní dhéanfaidh an Rialachán seo difear d'fhorálacha a bhaineann leis an iompar ó Bhallstát chuig tríú tír agus vice versa atá i gcomhaontuithe déthaobhacha idir Bhallstáit agus na tríú tíortha sin.

4.  Beidh feidhm ag an Rialachán seo i leith seirbhísí náisiúnta iompair phaisinéirí de bhóthar ar fruiliú nó ar airgead arna n-oibriú ag iompróir neamhchónaitheach ar bhonn sealadach dá bhforáiltear i gCaibidil V.
Airteagal 2 Sainmhínithe

Airteagal 2

Sainmhínithe

Chun críocha an Rialacháin seo beidh feidhm ag na sainmhínithe a leanas:

1. 

ciallaíonn ‘iompar idirnáisiúnta’:

(a) 

má tá an áit tosaigh agus an áit is ceann scríbe suite in dhá Bhallstát faoi leith, le hidirthuras nó gan idirthuras trí Bhallstát amháin nó trí níos mó ná Ballstát amháin nó trí thríú tíortha;

(b) 

turas arna ndéanamh ag feithicil a bhfuil a phointe tosaigh agus a cheann scríbe sa Bhallstát céanna agus ina mbailítear nó ina scaoiltear amach paisinéirí i mBallstát eile nó i dtríú tír;

(c) 

turas a dhéanann feithicil ó Bhallstát chuig tríú tír nó vice versa, bíodh nó ná bíodh idirthuras i gceist trí Bhallstát amháin nó trí níos mó ná Ballstát amháin nó trí thríú tír amháin nó trí níos mó ná tríú tír amháin; nó

(d) 

turas arna ndéanmah ag feithicil idir tríú tíortha, maille le hidirthuras trí chríoch aon Bhallstáit amháin nó níos mó ná sin;

2. 

ciallaíonn ‘seirbhísí tráthrialta’ seirbhísí a dhéanann foráil d'iompar paisinéirí ag eatraimh a shonraítear feadh bealaí a shonraítear, lena mbailítear na paisinéirí agus lena scaoiltear amach iad ag pointí stad réamhshocraithe;

3. 

ciallaíonn ‘seirbhísí tráthrialta speisialta’ seirbhísí tráthrialta, is cuma cé eagraíonn iad, lena ndéantar foráil do chatagóirí sonraithe paisinéirí a iompar, agus paisinéirí nach iad á n-eisiamh;

4. 

ciallaíonn ‘seirbhísí ócáideacha’ seirbhísí nach dtagann faoin sainmhíniú ar sheirbhísí tráthrialta, lena n-áirítear seirbhísí tráthrialta speisialta agus arb é a bpríomhthréith go n-iompraíonn siad grúpaí paisinéirí a bhailítear ar thionscnamh an chustaiméara nó an iompróra féin;

5. 

ciallaíonn ‘oibríochtaí iompair féinchuntais’ oibríochtaí a dhéanann duine nádúrtha nó duine dlítheanach chun críocha neamhthráchtála agus neamhbhrabúis:

— 
i gcás nach bhfuil sa ghníomhaíocht iompair ach gníomhaíocht choimhdeach don duine nádúrtha nó don duine dlítheanach sin, agus
— 
i gcás inar maoin an duine nádúrtha nó an duine dhlítheanaigh sin na feithiclí a mbaintear úsáid astu faoi nó ina bhfuil siad faighte ag an duine sin ar théarmaí iarchurtha nó ina bhfuil conradh fadtéarmach léasaithe ann do na feithiclí agus go bhfuil siad á dtiomáint ag duine d'fhoireann an duine nádúrtha nó an duine dhlítheanaigh nó ag an duine nádúrtha é féin nó ag comhaltaí foirne a fhostaíonn an gnóthas nó a gcuirtear ar láimh don ghnóthas faoi oibleagáid chonarthach;
6. 

ciallaíonn ‘Ballstát óstach’ Ballstát ina bhfuil iompróir ag oibriú, seachas an Ballstát ina bhfuil an t-iompróir bunaithe;

7. 

ciallaíonn ‘oibríochtaí iompair cabatáiste’

— 
seirbhísí náisiúnta iompair phaisinéirí de bhóthar ar fruiliú agus ar airgead a sholáthraíonn iompróir ar bhonn sealadach i mBallstát óstach, nó
— 
paisinéirí a bhailiú agus a scaoileadh amach laistigh den Bhallstát céanna le linn seirbhíse tráthrialta idirnáisiúnta, i gcomhréir le forálacha an Rialacháin seo, ar choinníoll nach é príomhchuspóir na seirbhíse sin é.
8. 

ciallaíonn ‘sárú tromchúiseach ar reachtaíocht an Chomhphobail maidir le hiompar de bhóthar’ sárú a bhféadfadh caillteanas dea-cháile a bheith mar thoradh orthu i gcomhréir le hAirteagal 6(1) agus (2) de Rialachán (CE) Uimh. 1071/2009, agus/nó ceadúnas Comhphobail a tharraingt siar go sealadach nó go buan.
Airteagal 3 Saoirse chun seirbhísí a sholáthar

Airteagal 3

Saoirse chun seirbhísí a sholáthar

1.  Ceadófar d'aon iompróir ar fruiliú nó ar airgead dá dtagraítear in Airteagal 1 seirbhísí tráthrialta a chur i gcrích i gcomhréir leis an Rialachán seo, lena n-áirítear seirbhísí tráthrialta speisialta agus seirbhísí ócáideacha de chóiste nó de bhus, gan idirdhealú ar fhoras náisiúntachta nó áite bunaíochta:

(a) 

má údaraítear sa Bhallstát bunaíochta é iompar a dhéanamh trí mheán seirbhísí tráthrialta, lena n-áirítear seirbhísí tráthrialta speisialta, nó seirbhísí ócáideacha de chóiste agus de bhus, i gcomhréir leis na coinníollacha maidir le rochtain ar an margadh a leagtar síos leis an reachtaíocht náisiúnta;

(b) 

má chomhlíonann sé na coinníollacha arna leagan síos i gcomhréir le rialacha an Chomhphobail maidir le ligean isteach do ghairm an oibreora iompair paisinéirí de bhóthar in oibríochtaí iompair náisiúnta agus idirnáisiúnta; agus

(c) 

má chomhlíonann sé na ceanglais dhlíthúla maidir le caighdeáin do thiománaithe agus d'fheithiclí faoi mar atá leagtha síos, go háirithe, i dTreoir 92/6/CEE ón gComhairle an 10 Feabhra 1992 maidir le feistí teorannaithe luais le haghaidh aicmí áirithe mótarfheithiclí sa Chomhphobal a shuiteáil agus a úsáid ( 1 ), i dTreoir 96/53/CE ón gComhairle an 25 Iúil 1996 lena leagtar síos toisí údaraithe uasta sa trácht náisiúnta agus idirnáisiúnta agus meáchan údaraithe uasta sa trácht idirnáisiúnta le haghaidh feithiclí bóthair áirithe a bhíonn ag gluaiseacht laistigh den Chomhphobal ( 2 ) agus i dTreoir 2003/59/CE ó Pharlaimint na hEorpa agus ón gComhairle an 15 Iúil 2003 maidir le buncháilíocht agus oiliúint thréimhsiúil tiománaithe feithiclí áirithe bóthair d'iompar earraí agus paisinéirí ( 3 ).

2.  Ceadófar d'aon iompróir féinchuntais dá dtagraítear in Airteagal 1 na seirbhísí iompair de bhonn Airteagal 5(5) a chur i gcrích gan idirdhealú ar fhoras náisiúntachta nó áite bunaíochta:

(a) 

má údaraítear sa Bhallstát bunaíochta é iompar a dhéanamh de chóiste agus de bhus i gcomhréir leis na coinníollacha maidir le rochtain ar an margadh a leagtar síos leis an reachtaíocht náisiúnta; agus

(b) 

má chomhlíonann sé na ceanglais dhlíthiúla maidir le tiománaithe agus feithiclí a leagtar síos, go háirithe, i dTreoir 92/6/CEE, i dTreoir 96/53/CE agus i dTreoir 2003/59/CE.

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin
  • Builddate: 01.07.2013 00:00:00 -Doknr: CELEX:32009R1073
  • EULAW -

    EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

    DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.