Airteagal 6 Oibleagáidí maidir le cead uisce athshlánaithe

1.   Beidh táirgeadh agus soláthar uisce athshlánaithe a bheartaítear le haghaidh uisciú talmhaíochta mar a shonraítear i Roinn 1 d’Iarscríbhinn I faoi réir ceada.

2.   Déanfaidh na páirtithe freagracha sa chóras athúsáide uisce, lena n-áirítear an t-úsáideoir deiridh i gcás inarb ábhartha i gcomhréir leis an dlí náisiúnta, iarratas ar chead, nó iarratas ar chead atá ann cheana a mhodhnú, a chur chuig údarás inniúil an Bhallstáit ina n-oibríonn an tsaoráid athshlánaithe nó ina bhfuil sí beartaithe oibriú.

3.   Leagfar amach sa chead oibleagáidí an oibreora saoráide athshlánaithe agus, i gcás inarb ábhartha, aon pháirtithe freagracha eile. Beidh an cead bunaithe ar an bplean bainistithe riosca um athúsáid uisce agus sonrófar ann, inter alia, an méid seo a leanas:

4.   Chun iarratas a mheasúnú, rachaidh an t-údarás inniúil i gcomhairle le húdaráis ábhartha eile, go háirithe na húdaráis uisce agus sláinte murab ionann iad agus an t-údarás inniúil, agus aon pháirtí eile a mheasann an t-údarás inniúil a bheith ábhartha, agus malartóidh sé faisnéis ábhartha leo.

5.   Déanfaidh an t-údarás inniúil cinneadh gan mhoill i dtaobh cead a dheonú. I gcás ina bhfuil gá ag an údarás inniúil, de bharr chastacht an iarratais, le breis agus 12 mhí ó iarratas comhlánaithe a fháil chun cinneadh a dhéanamh i dtaobh cead a dheonú, déanfaidh sé dáta measta a chinnidh a chur in iúl don iarratasóir.

6.   Déanfar ceadanna a athbhreithniú go rialta, agus déanfar iad a uasdátú i gcás inar is gá, sna cásanna seo a leanas ar a laghad:

7.   Féadfaidh na Ballstáit a chur de cheangal go mbeidh stóráil, dáileadh agus úsáid an uisce athshlánaithe faoi réir cead sonrach chun na ceanglais bhreise agus na bacainní a shainaithnítear sa phlean bainistithe riosca um athúsáid uisce a chur i bhfeidhm dá dtagraítear in Airteagal 5(4).