Airteagal 11 Daoine agus eintitis incháilithe

1.   Tabharfar tosaíocht do dhaoine agus d’eintitis ó thíortha aontacha, tíortha is iarrthóirí, tíortha is iarrthóirí ionchasacha, agus tíortha Bheartas Comharsanachta na hEorpa. I dtaca leis an deis a bheith páirteach i nósanna imeachta maidir le soláthar, deonú agus dámhachtain deontas le haghaidh gníomhaíochtaí a mhaoinítear faoin Ionstraim, beidh an deis sin ag eagraíochtaí idirnáisiúnta agus ag eintitis dhlíthiúla uile ar náisiúnaigh iad agus, i gcás daoine dlítheanacha, atá lonnaithe go bunúsach sna tíortha nó sna críocha seo a leanas:

Féadfar an rochtain chómhalartach dá dtagraítear i bpointe (e) den chéad fhomhír a dheonú, le haghaidh tréimhse theoranta aon bhliana amháin ar a laghad, nuair a admhaíonn tír go bhfuil incháilitheacht ar choinníollacha comhionanna ag eintitis ón Aontas agus ag tíortha is incháilithe faoin Rialachán seo. Déanfaidh an Coimisiún cinneadh maidir leis an rochtain chómhalartach agus lena fhad a mhairfidh sí tar éis dó dul i gcomhairle leis an tír is faighteoir nó leis na tíortha is faighteoirí lena mbaineann.

2.   Féadfaidh na soláthairtí agus na hábhair uile a mhaoinítear faoin Ionstraim a bheith de thionscnamh na dtíortha agus faoi na coinníollacha faoi seach a shonraítear i mír 1.

3.   Ní bheidh feidhm ag na rialacha a leagtar síos san Airteagal seo maidir le daoine nádúrtha atá fostaithe nó atá ar conradh go dleathach ar bhealach eile ag conraitheoir incháilithe nó, i gcás inarb infheidhme, ag fochonraitheoir incháilithe, agus ní chruthófar leis na rialacha sin srianta a bhaineann le náisiúntacht le haghaidh na ndaoine nádúrtha sin.

4.   I gcás gníomhaíochtaí a chómhaoineoidh eintiteas go comhpháirteach nó a chuirfear chun feidhme faoin bhainistíocht dhíreach nó neamhdhíreach a liostaítear i bpointe (c) (ii) go dtí (viii) d’Airteagal 62(1) den Rialachán Airgeadais, beidh feidhm ag rialacha incháilitheachta na n-eintiteas sin freisin.

5.   I gcás ina soláthróidh deontóirí maoiniú do chiste iontaobhais arna bhunú ag an gCoimisiún nó trí ioncaim sheachtracha ainmnithe, is infheidhme na rialacha incháilitheachta in ionstraim bhunaidh an chiste iontaobhais sin nó sa chomhaontú leis an deontóir i gcás ioncaim sheachtracha ainmnithe.

6.   I gcás gníomhaíochtaí a mhaoineofar faoin ionstraim agus faoi chlár eile de chuid an Aontais, má bhíonn eintitis incháilithe faoi aon cheann de na cláir sin, measfar go bhfuil sé incháilithe.

7.   Féadfar na rialacha incháilitheachta san Airteagail seo a shrianadh de réir náisiúntacht, shuíomh geografach nó chineál na n-iarratasóirí, nó de réir tionscnamh soláthairtí agus ábhar, i gcás ina gceanglófar na srianta sin de bharr chineál sonrach agus chuspóirí na gníomhaíochta agus inar gá iad chun í a chur chun feidhme go héifeachtach.

8.   Féadfar glacadh le táirgeoirí, le hiarratasóirí agus le hiarrthóirí ó thíortha neamh-incháilithe i gcás práinne nó i gcás nach mbeidh seirbhísí ar fáil i margaí na dtíortha nó na gcríoch lena mbaineann, nó i gcásanna eile a mbeidh bonn cirt iomchuí leo ina ndéanfadh cur i bhfeidhm na rialacha incháilitheachta réadú gníomhaíochta dodhéanta nó thar a bheith deacair.

9.   Chun acmhainneachtaí áitiúla, margaí áitiúla agus ceannacháin áitiúla a chur chun cinn, tabharfar tús áite do chonraitheoirí áitiúla agus réigiúnacha i gcásanna ina bhforáiltear leis an Rialachán Airgeadais do dhámhachtain ar bhonn tairisceana aonair. I ngach cás eile, déanfar rannpháirtíocht conraitheoirí áitiúla agus réigiúnacha a chur chun cinn i gcomhréir le forálacha ábhartha an Rialacháin Airgeadais.