Airteagal 11 1

(a)

Ballstáit, tairbhithe faoin Ionstraim um Chúnamh Réamhaontachais (IPA III), arna bunú le Rialachán ó Pharlaimint na hEorpa agus ón gComhairle lena mbunófar an Ionstraim um Chúnamh Réamhaontachais (IPA III). agus páirtithe conarthacha sa Chomhaontú maidir leis an Limistéar Eorpach Eacnamaíoch (18);

(b)

tíortha comhpháirtíochta i limistéar comharsanachta dá dtagraítear i bpointe (a) d’Airteagal 4(2) de Rialachán (AE) 2021/947;

(c)

tíortha agus críocha i mbéal forbartha, atá ar an liosta d’fhaighteoirí Cúnaimh Forbartha Oifigiúil arna fhoilsiú ag Coiste Cúnaimh Forbartha na hEagraíochta um Chomhar agus Forbairt Eacnamaíoch (“an liosta d’fhaighteoirí Cúnaimh Forbartha Oifigiúil”) nach comhaltaí iad de ghrúpa G-20, agus tíortha agus críocha thar lear mar a shainmhínítear i gCinneadh 2013/755/AE ón gComhairle (19);

(d)

tíortha i mbéal forbartha mar atá sa liosta d’fhaighteoirí Cúnaimh Forbartha Oifigiúil, ar comhaltaí iad de ghrúpa G20, agus tíortha agus críocha eile, i gcás ina mbeidh an nós imeachta ábhartha ar siúl i gcomhthéacs gníomhaíocht a mhaoiníonn an tAontas faoin Rialachán seo ina mbeidh siad páirteach;

(e)

tíortha a mbeidh rochtain chómhalartach ar mhaoiniú seachtrach curtha ar bun ag an gCoimisiún lena n-aghaidh;

(f)

tíortha is comhaltaí den Eagraíocht um Chomhar agus Forbairt Eacnamaíochta, i gcás conarthaí a chuirtear chun feidhme i dtír is lú forbairt nó i dtír bhocht ag a bhfuil fiachais ollmhóra, de réir mar a áirítear ar an liosta d’fhaighteoirí Cúnaimh Forbartha Oifigiúil;

(g)

tríú tíortha ina dtarlaíonn na gníomhaíochtaí mar a fhoráiltear dóibh sna cláir shonracha ilbhliantúla tháscacha, sna pleananna gníomhaíochta nó sna bearta sonracha.