Airteagal 21 1

(a)

an tionchar a bheidh ag feidhmiú céimneach agus ag cur chun feidhme na chéad ghlúine eile de líonraí agus teicneolaíochtaí cumarsáide soghluaiste ar an margadh fánaíochta;

(b)

éifeachtacht na n-oibleagáidí cáilíochta seirbhíse maidir le custaiméirí seirbhísí fánaíochta, infhaighteacht seirbhísí agus cáilíocht seirbhísí, lena n-áirítear na seirbhísí sin atá mar mhalairt ar sheirbhísí fánaíochta guthghlaonna, SMS agus sonraí rialáilte, go háirithe i bhfianaise forbairtí teicneolaíocha agus i bhfianaise na rochtana ar theicneolaíochtaí agus glúnta líonra éagsúla;

(c)

an méid iomaíochta atá sa mhargadh fánaíochta miondíola agus sa mhargadh fánaíochta mórdhíola araon, go háirithe na rátaí mórdhíola iarbhír a íocann na hoibreoirí agus staid iomaíoch oibreoirí beaga, oibreoirí neamhspleácha nó oibreoirí atá díreach tar éis tosú, agus OLSFanna, lena n-áirítear na héifeachtaí iomaíochta a bhaineann le comhaontuithe fánaíochta mórdhíola tráchtála, trácht a thrádáiltear ar ardáin trádála agus ionstraimí comhchosúla agus an méid idirnasctha idir oibreoirí;

(d)

éabhlóid na fánaíochta meaisín le meaisín, lena n-áirítear fánaíocht ar ghléasanna IoT;

(e)

a mhéid a tháirg cur chun feidhme na mbeart dá bhforáiltear in Airteagal 3, agus go háirithe, ar bhonn na faisnéise arna soláthar ag na húdaráis rialála náisiúnta, an nós imeachta i gcomhair udaruithe roimhe ré a leagtar síos in Airteagal 3(6), torthaí i bhforbairt na hiomaíochta sa mhargadh inmheánach do sheirbhísí fánaíochta rialáilte;

(f)

éabhlóid na bpleananna taraife miondíola atá ar fáil;

(g)

athruithe ar phatrúin tomhaltais sonraí i gcás seirbhísí baile agus seirbhísí fánaíochta araon, lena n-áirítear athruithe ar phatrúin taistil úsáideoirí deiridh Eorpacha de bharr imthosca amhail paindéimí, mar shampla COVID-19, nó tubaistí nádúrtha;

(h)

cumas oibreoirí líonra baile a samhail muirearaithe baile a chothú agus a mhéid a bheidh formhuirir fánaíochta miondíola eisceachtúla údaraithe de bhun Airteagal 6;

(i)

cumas oibreoirí an líonra a bhfuil cuairt á tabhairt air na costais a bhaineann le seirbhísí fánaíochta mórdhíola rialáilte a sholáthar arna dtabhú go héifeachtúil a aisghabháil, agus an fhaisnéis is déanaí maidir le himlonnú líonraí á cur san áireamh, mar aon le forbairtí ar acmhainneachtaí teicniúla, ar shamhlacha praghsála agus ar shrianta na líonraí, mar shampla an fhéidearthacht ríomhanna samhlacha costais a áireamh bunaithe ar an acmhainneacht seachas ar an tomhaltas;

(j)

tionchar chur i bhfeidhm beartas maidir le húsáid chóir ag oibreoirí, lena n-áirítear maidir le tomhaltas ag úsáideoirí deiridh, i gcomhréir leis na gníomhartha cur chun feidhme arna nglacadh de bhun Airteagal 7, lena n-áirítear sainaithint aon neamhréireachtaí i gcur i bhfeidhm agus i gcur chun feidhme na mbeartas sin maidir le húsáid chóir; chomh maith le héifeachtacht agus comhréireacht chur i bhfeidhm ginearálta na mbeartas sin;

(k)

a mhéid a bhíonn fadhbanna ag custaiméirí agus oibreoirí seirbhísí fánaíochta i ndáil le seirbhísí breisluacha agus cur chun feidhme an bhunachair sonraí de raonta uimhrithe le haghaidh seirbhísí breisluacha a bhunaítear de bhun Airteagal 16, an chéad mhír, pointe (a);

(l)

cur i bhfeidhm bhearta an Rialacháin seo agus gearáin a bhaineann le húsáid cumarsáide éigeandála agus fánaíocht á déanamh;

(m)

gearáin a bhaineann le fánaíocht neamhaireach.