Airteagal 28 2.

an líon EPOCanna agus EPOC-PRanna a eisíodh de réir na gcineálacha sonraí a iarradh, de réir na seolaithe agus de réir an cháis (cás éigeandála nó eile);

an líon EPOCanna a eisíodh faoi mhaoluithe i gcás éigeandála;

an líon EPOCanna agus EPOC-PRanna a comhlíonadh agus nár comhlíonadh de réir na gcineálacha sonraí a iarradh, de réir na seolaithe agus de réir an cháis (cás éigeandála nó eile);

an líon fógraí chuig na húdaráis forfheidhmiúcháin de bhun Airteagal 8, agus líon na EPOCanna a diúltaíodh, de réir na gcineálacha sonraí a iarradh, de réir na seolaithe, de réir an cháis (cás éigeandála nó eile) agus de réir an fhorais leis an diúltú a ardaíodh;

i gcás EPOCanna a comhlíonadh, an mheántréimhse idir an nóiméad a eisíodh an EPOC agus an nóiméad a fuarthas na sonraí a iarradh, de réir na gcineálacha sonraí a iarradh, de réir na seolaithe agus de réir an cháis (cás éigeandála nó eile);

i gcás EPOC-PRanna a comhlíonadh, an mheántréimhse idir an nóiméad a eisíodh an EPOC-PR agus an nóiméad a eisíodh an iarraidh ina dhiaidh sin ar fhianaise a thabhairt ar aird, de réir na gcineálacha sonraí a iarradh agus de réir na seolaithe;

an líon Orduithe Eorpacha chun Fianaise a Thabhairt ar Aird nó an líon Orduithe Caomhnaithe Eorpacha arna dtarchur chuig Stát forfheidhmiúcháin agus arna bhfáil aige lena bhforfheidhmiú de réir na gcineálacha sonraí a iarradh, de réir na seolaithe agus de réir an cháis (cás éigeandála nó eile) agus líon na n-orduithe den sórt sin a comhlíonadh;

an líon leigheasanna dlíthiúla arna n-úsáid in aghaidh Orduithe Eorpacha chun Fianaise a Thabhairt ar Aird sa Stát eisiúna agus sa Stát forfheidhmiúcháin de réir chineál na sonraí a iarradh.

an líon cásanna nár deonaíodh bailíochtú ex post ina leith i gcomhréir le hAirteagal 4(5);

forléargas ar na costais a d’éiligh soláthraithe seirbhíse i ndáil le EPOCanna nó EPOC-PRanna a fhorghníomhú agus ar na costais a d’aisíoc na húdaráis eisiúna.