Artikolu 28 2.

l-għadd ta’ EPOCs u EPOC-PRs maħruġa, skont it-tip ta’ data mitluba, id-destinatarji u s-sitwazzjoni (każ ta’ emerġenza jew le);

l-għadd ta’ EPOCs maħruġa taħt derogi ta’ każijiet ta’ emerġenza;

l-għadd ta’ EPOCs u EPOC-PRs issodisfati u mhux issodisfati, skont it-tip ta’ data mitluba, id-destinatarji u s-sitwazzjoni (każ ta’ emerġenza jew le);

l-għadd ta’ notifiki lill-awtoritajiet tal-infurzar skont l-Artikolu 8, u l-għadd ta’ EPOCs li ġew miċħuda, skont it-tip ta’ data mitluba, id-destinatarji, is-sitwazzjoni (każ ta’ emerġenza jew le) u r-raġuni għar-rifjut;

għall-EPOCs issodisfati, il-perjodu medju bejn il-mument li fih ikun inħareġ l-EPOC u l-mument li fih tkun inkisbet id-data mitluba, skont it-tip ta’ data mitluba, id-destinatarji u s-sitwazzjoni (każ ta’ emerġenza jew le);

għall-EPOC-PRs issodisfati, il-perjodu medju bejn il-mument li fih ikun inħareġ l-EPOC-PR u l-mument li fih tkun inħarġet it-talba sussegwenti għall-produzzjoni, skont it-tip ta’ data mitluba u d-destinatarji;

l-għadd ta’ Ordnijiet ta’ Produzzjoni Ewropej jew Ordnijiet ta’ Preservazzjoni Ewropej trażmessi lil Stat tal-infurzar, u riċevuti minnu, għall-infurzar, skont it-tip ta’ data mitluba, id-destinatarji u s-sitwazzjoni (każ ta’ emerġenza jew le) u l-għadd ta’ tali ordnijiet li ġew issodisfati;

l-għadd ta’ rimedji legali użati kontra Ordnijiet ta’ Produzzjoni Ewropej fl-Istat emittenti u fl-Istat tal-infurzar, skont it-tip ta’ data mitluba.

l-għadd ta’ każijiet fejn ma tkunx ingħatat validazzjoni ex post skont l-Artikolu 4(5);

ħarsa ġenerali tal-kostijiet dikjarati mill-fornituri tas-servizzi b’rabta mal-eżekuzzjoni tal-EPOCs jew l-EPOC-PRs u l-kostijiet rimborżati mill-awtoritajiet emittenti.