Airteagal 17 Seiceálacha breise arna ndéanamh ag údarás inniúil

1.   Tráth ar bith, féadfaidh údarás inniúil an Stáit riaracháin, i gcás cuideachta agus i gcomhair aon cheann dá longa, seiceálacha breise a dhéanamh, i ndáil leis an dá thréimhse thuairiscithe roimhe sin, ar aon cheann díobh seo a leanas:

2.   Arna iarraidh sin don údarás inniúil dá dtagraítear i mír 1, cuirfidh an chuideachta aon fhaisnéis nó doiciméid is gá ar fáil lena gcuirfear ar chumas an údaráis inniúil seiceálacha breise a dhéanamh agus ceadóidh sí rochtain ar áitreabh na cuideachta nó na loinge chun na seiceálacha breise sin a éascú.

3.   Eiseoidh an t-údarás inniúil dá tagraítear i mír 1 den Airteagal seo, tuarascáil maidir le seiceálacha breise lena n-áirítear, i gcás inarb infheidhme, na ríomhanna nuashonraithe arna ndéanamh agus Airteagal 17(1), pointe (c) á chur i bhfeidhm, méid nuashonraithe an bharrachais comhlíontachta nó an réamhbharrachais comhlíontachta agus méid nuashonraithe an phionóis FuelEU.

4.   I gcás ina sainaithnítear sa tuarascáil maidir le seiceálacha breise dá dtagraítear i mír 3 den Airteagal seo míráitis, neamh-chomhréireachtaí nó míríomhanna a mbíonn mar thoradh orthu neamhchomhlíonadh na gceanglas a leagtar amach in Airteagail 4 nó 6 agus, dá thoradh sin, go ngearrtar pionós FuelEU nó go ndéantar méid pionóis FuelEU a íocadh cheana a mhodhnú, tabharfaidh an t-údarás inniúil dá dtagraítear i mír 1 den Airteagal seo fógra don chuideachta lena mbaineann faoi mhéid comhfhreagrach an phionóis FuelEU nó faoi mhéid an phionóis mhodhnaithe FuelEU. Áiritheoidh na Ballstáit go n-íocfaidh an chuideachta atá freagrach as an long le linn na tréimhse atá faoi réir na seiceálacha breise méid atá comhionann leis an bpionós FuelEU nó leis an bpionós modhnaithe FuelEU sin laistigh d’aon mhí amháin tar éis fógra a fháil ina leith, i gcomhréir leis na socruithe dá bhforáiltear in Airteagal 23.

5.   Déanfaidh an t-údarás inniúil dá dtagraítear i mír 1 doiciméad comhlíontachta FuelEU de chuid loinge a bhaint gan mhoill ó bhunachar sonraí FuelEU, ar long í nár íoc a cuideachta in am trátha na pionóis FuelEU dá dtagraítear i mír 4 agus cuirfidh sé an bhaint sin in iúl don chuideachta lena mbaineann in am trátha. Ní eiseoidh sé an doiciméad ábhartha FuelEU arís go dtí go n-íocfar suim atá comhionann leis an bpionós FuelEU, ar choinníoll go gcomhlíonfaidh an chuideachta na coinníollacha eile a leagtar amach sa Rialachán seo maidir leis an doiciméad comhlíontachta FuelEU a shealbhú.

6.   Ní bheidh feidhm ag mír 5 maidir le long a aistríodh chuig cuideachta seachas an chuideachta a ghlac an fhreagracht as a hoibriú le linn na tréimhse atá faoi réir na seiceálacha breise.

7.   Na gníomhaíochtaí dá dtagraítear san Airteagal seo, tuarascáil na seiceálacha breise dá dtagraítear i mír 3 mar aon leis an gcruthúnas ar íocaíochtaí na bpionós FuelEU, déanfaidh na heintitis a rinne na gníomhaíochtaí sin nó a rinne an tuarascáil nó an íocaíocht sin a thaifead gan mhoill i mbunachar sonraí FuelEU.