Airteagal 30 2

(a)

raon feidhme ábhartha agus geografach an Rialacháin seo, a mhéid a bhaineann leis an tairseach olltonnáiste dá dtagraítear in Airteagal 2(1) a laghdú nó sciar an fhuinnimh a úsáideann longa i muiraistir chuig tríú tíortha agus uathu dá dtagraítear in Airteagal 2(1), pointe (d), a mhéadú;

(b)

an teorainn dá dtagraítear in Airteagal 4(2), d’fhonn na cuspóirí a leagtar amach i Rialachán (AE) 2021/1119 a bhaint amach;

(c)

cineálacha agus méid long a bhfuil feidhm ag Airteagal 6(1) maidir leo agus síneadh ar na hoibleagáidí dá dtagraítear in Airteagal 6(1) chun longa atá ar ancaire a chumhdach;

(d)

na heisceachtaí dá bhforáiltear in Airteagal 6(5);

(e)

comhaireamh an leictreachais a sheachadtar trí OPS in Iarscríbhinn I agus an fachtóir astaíochta tobar-go-humar a bhaineann leis an leictreachas sin a shainmhínítear in Iarscríbhinn II;

(f)

an fhéidearthacht faoi raon feidhme an Rialacháin seo sásraí tiomnaithe a áireamh le haghaidh na dteicneolaíochtaí breosla is inbhuanaithe agus is nuálaí a bhfuil acmhainneacht mhór dícharbónúcháin acu, chun creat dlíthiúil soiléir intuartha a chruthú agus chun forbairt margaidh agus imscaradh na dteicneolaíochtaí breosla sin a spreagadh;

(g)

ríomh an iarmhéid comhlíontachta i gcás longa a iarrann go n-eisiafaí an fuinneamh breise a úsáidtear mar gheall ar a bheith ag seoladh faoi dhálaí oighir a leagtar amach in Iarscríbhinní IV agus V, agus an síneadh a d’fhéadfaí a chur leis na forálacha sin tar éis an 31 Nollaig 2034;

(h)

an fhéidearthacht fuinneamh arna sholáthar ag an ngaoth a áireamh i ríomh déine GCT an fhuinnimh arna úsáid ar bord a leagtar amach in Iarscríbhinn I, faoi réir modh infhíoraithe a bheith ar fáil chun faireachán agus cuntas a thabhairt ar fhuinneamh tiomána gaoithe;

(i)

an fhéidearthacht teicneolaíochtaí nua maidir le laghdú GCT, mar shampla gabháil carbóin ar bord, a áireamh i ríomh déine GCT an fhuinnimh arna úsáid ar bord agus an chomhardaithe comhlíontachta mar a leagtar amach in Iarscríbhinní I agus IV faoi seach,, faoi réir modh infhíoraithe a bheith ar fáil chun faireachán agus cuntas a thabhairt ar an gcarbón gafa;

(j)

an fhéidearthacht eilimintí breise a áireamh sa Rialachán seo, go háirithe astaíochtaí carbóin dhuibh;

(k)

an gá atá le bearta chun aghaidh a thabhairt ar iarrachtaí a dhéanann cuideachtaí na ceanglais a leagtar amach sa Rialachán seo a sheachaint.