Airteagal 5 Pionóis do dhaoine nádúrtha

go bhféadfar uastéarma príosúnachta 10 mbliana ar a laghad a fhorchur i leith cionta coiriúla a chumhdaítear le hAirteagal 3(2), pointí (a) go (d), agus pointí (f), (j), (k), (l) agus (r), más iad is cúis le bás aon duine;

go bhféadfar uastéarma príosúnachta 8 mbliana ar a laghad a fhorchur i leith cionta coiriúla a chumhdaítear le hAirteagal 3(3);

go bhféadfar uastéarma príosúnachta 5 bliana ar a laghad a fhorchur i leith cionta coiriúla a chumhdaítear le hAirteagal 3(4), i gcás ina dtagraíonn an mhír sin d’Airteagal 3(2), pointí (a) go (d), agus pointí (f), (j), (k) agus pointe (l), más iad is cúis le bás aon duine;

go bhféadfar uastéarma príosúnachta 5 bliana ar a laghad a fhorchur i leith cionta coiriúla a chumhdaítear le hAirteagal 3(2), pointí (a) go (l), agus pointí (p), (s) agus (t);

go bhféadfar uastéarma príosúnachta 3 bliana ar a laghad a fhorchur i leith cionta coiriúla a chumhdaítear le hAirteagal 3(2), pointí (m), (n), (o), (q) agus (r).

oibleagáid chun an méid seo a leanas a dhéanamh:

fíneálacha atá comhréireach le tromchúis na hiompraíochta agus le himthosca aonair agus airgeadais agus le himthosca eile an duine nádúrtha lena mbaineann agus, i gcás inarb ábhartha, ar fíneálacha iad a chinntear agus aird chuí á tabhairt ar thromchúis agus fad an damáiste a rinneadh don chomhshaol agus ar na sochair airgeadais a gineadh ón gcion;

eisiamh ó rochtain ar mhaoiniú poiblí, lena n-áirítear nósanna imeachta tairisceana, deontais, lamháltais agus ceadúnais;

dícháiliú ó phost ceannaireachta den chineál a úsáidtear chun an cion a dhéanamh a bheith acu, laistigh de dhuine dlítheanach;

maidir le ceadanna agus údaruithe chun gníomhaíochtaí a shaothrú, na ceadanna agus na húdaruithe sin a tharraingt siar i gcás ina raibh an cion coiriúil ábhartha mar thoradh orthu;

cosc sealadach ar sheasamh i dtoghchán d’oifig phoiblí;

i gcás ina bhfuil leas an phobail ann, tar éis measúnú cás ar chás a dhéanamh, foilsiú an chinnidh bhreithiúnaigh ina iomláine, nó cuid de, ar cinneadh é a bhaineann leis an gcion coiriúil a rinneadh agus na pionóis nó na bearta a forchuireadh, a bhféadfadh sonraí pearsanta daoine ciontaithe a bheith ar áireamh ann i gcásanna eisceachtúla a bhfuil údar cuí leo amháin.