CAIBIDIL I FORÁLACHA GINEARÁLTA

ciallaíonn ‘táirge’ aon earraí fisiceacha a chuirtear ar an margadh nó i mbun seirbhíse;

ciallaíonn ‘comhpháirt’ táirge atá ceaptha lena ionchorprú i dtáirge eile;

ciallaíonn ‘táirge idirmheánach’ táirge ar gá monarú nó claochlú breise a dhéanamh air, amhail meascadh, bratú nó cóimeáil, chun go mbeidh sé oiriúnach d’úsáideoirí deiridh;

ciallaíonn ‘táirge a bhaineann le fuinneamh’ aon táirge a mbíonn tionchar aige ar an ídiú fuinnimh agus é á úsáid;

ciallaíonn ‘grúpa táirgí’ sraith táirgí a fhónann do chríocha comhchosúla agus atá comhchosúil le chéile ó thaobh úsáide de, nó a bhfuil airíonna feidhmiúla comhchosúla acu, agus atá comhchosúil le chéile ó thaobh an dearcadh atá ag an tomhaltóir orthu;

ciallaíonn ‘éicidhearthóireacht’ comhtháthú breithnithe inbhuanaitheachta comhshaoil i saintréithe táirge agus na próisis a tharlaíonn ar feadh shlabhra luacha an táirge;

ciallaíonn ‘ceanglas éicidhearthóireachta’ ceanglas feidhmíochta nó ceanglas faisnéise arb é is aidhm dó táirge, lena n-áirítear próisis a tharlaíonn ar feadh shlabhra luacha an táirge, a dhéanamh níos inbhuanaithe ó thaobh an chomhshaoil de;

ciallaíonn ‘ceanglas feidhmíochta’ ceanglas cainníochtúil nó neamhchainníochtúil le haghaidh táirge nó i ndáil le táirge chun leibhéal áirithe feidhmíochta a bhaint amach i ndáil le paraiméadar táirge dá dtagraítear in Iarscríbhinn I;

ciallaíonn ‘ceanglas faisnéise’ oibleagáid maidir le faisnéis mar a shonraítear in Airteagal 7(2) a bheith ag gabháil le táirge;

ciallaíonn ‘slabhra soláthair’ na gníomhaíochtaí agus na próisis réamhtheachtacha uile a bhaineann le slabhra luacha an táirge, go dtí go sroicheann an táirge an custaiméir;

ciallaíonn ‘slabhra luacha’ na gníomhaíochtaí agus na próisis uile ar cuid iad de shaolré táirge, mar aon lena athmhonarú féideartha;

ciallaíonn ‘saolré’ na céimeanna leantacha agus idirnasctha i saol táirge, arb é atá iontu amhábhar a fháil nó a ghiniúint as acmhainní nádúrtha, réamhphróiseáil, monarú, stóráil, dáileadh, suiteáil, úsáid, cothabháil, deisiú, uasghrádú, athfheistiú agus athúsáid, agus deireadh ré;

ciallaíonn ‘deireadh ré’ an chéim sa tsaolré a thosaíonn nuair a dhéantar táirge a dhiúscairt agus a chríochnaíonn nuair a chuirtear ábhar dramhaíola an táirge ar ais sa dúlra nó nuair a théann sé isteach i saolré táirge eile;

ciallaíonn ‘tionchar ar an gcomhshaol’ aon athrú ar an gcomhshaol, cibé dochrach nó leasmhar é, a eascraíonn go hiomlán nó i bpáirt as táirge le linn a shaolré;

ciallaíonn ‘aicme feidhmíochta’ raon leibhéal feidhmíochta i ndáil le paraiméadar táirge amháin nó níos mó dá dtagraítear in Iarscríbhinn I, a bhunaítear ar mhodheolaíocht choiteann don táirge nó don ghrúpa táirgí, agus iad ordaithe ar bhealach chun gur féidir difreáil táirgí a dhéanamh;

ciallaíonn ‘athmhonarú’ gníomhaíochtaí trína ndéantar táirge nua a tháirgtear as nithe ar dramhaíl, táirgí nó comhpháirteanna iad agus trína ndéantar athrú amháin ar a laghad a dhéanann difear substaintiúil do shábháilteacht, feidhmíocht, cuspóir nó cineál an táirge;

ciallaíonn ‘uasghrádú’ gníomhaíochtaí a dhéantar chun feidhmiúlacht, feidhmíocht, acmhainneacht, sábháilteacht nó aeistéitic táirge a fheabhsú;

ciallaíonn ‘athfheistiú’ gníomhaíochtaí a dhéantar chun táirge nó táirge diúscartha a ullmhú, a ghlanadh, a thástáil, a sheirbhísiú agus, i gcás inar gá, a dheisiú chun a fheidhmíocht nó a fheidhmiúlacht a athbhunú de réir na húsáide beartaithe agus raon na feidhmíochta a ceapadh ar dtús ag céim an dearaidh tráth a cuireadh an táirge ar an margadh;

ciallaíonn ‘cothabháil’ gníomhaíocht amháin nó roinnt gníomhaíochtaí a dhéantar chun táirge a choinneáil i riocht a fhágann gur féidir leis an gcuspóir atá beartaithe dó a chomhlíonadh;

ciallaíonn ‘deisiú’ gníomhaíocht amháin nó roinnt gníomhaíochtaí a dhéantar chun táirge lochtach nó dramhaíl a chur ar ais i riocht a fhágann gur féidir an táirge an cuspóir atá beartaithe dó a chomhlíonadh;

ciallaíonn ‘dífheidhmeacht anabaí’ gné dearaidh táirge nó gníomhaíocht nó easnamh iardain a fhágann go bhfuil an táirge neamhfheidhmiúil nó ina tháirge is lú feidhmíocht, gan na hathruithe ar fheidhmiúlacht nó ar fheidhmíocht a bheith mar thoradh ar ghnáthchaitheamh agus gnáthchuimilt;

ciallaíonn ‘marthanacht’ cumas táirge a fheidhm agus a fheidhmíocht a choinneáil le himeacht ama faoi choinníollacha sonraithe úsáide, cothabhála agus deisiúcháin;

ciallaíonn ‘iontaofacht’ an dóchúlacht go bhfeidhmeodh táirge mar is gá faoi choinníollacha áirithe go ceann tréimhse áirithe ama gan teagmhas a bheith ann a d’fhágfadh nach ndéanfaí feidhm phríomhúil ná feidhm thánaisteach an táirge a chomhlíonadh a thuilleadh;

ciallaíonn ‘lorg comhshaoil’ cainníochtú ar thionchair chomhshaoil a eascraíonn as táirge ar feadh a shaolré, cibé acu i ndáil le catagóir amháin tionchair ar an gcomhshaol nó le sraith chomhiomlánaithe de chatagóirí tionchair bunaithe ar an modh tomhais táirge maidir le lorg comhshaoil arna bhunú le Moladh (AE) 2021/2279 nó ar mhodhanna eolaíocha eile arna bhforbairt ag eagraíochtaí idirnáisiúnta, arna dtástáil go forleathan i gcomhar le hearnálacha tionscail éagsúla agus arna nglacadh nó arna gcur chun feidhme ag an gCoimisiún i ndlí eile de chuid an Aontais;

ciallaíonn ‘lorg carbóin’ suim na n-astaíochtaí gás ceaptha teasa agus na n-aistrithe gás ceaptha teasa i gcóras táirge, a shloinntear ina coibhéis CO2 agus a bhunaítear ar mheasúnú saolré agus úsáid á baint as catagóir tionchair aonair an athraithe aeráide;

tagraíonn ‘lorg amhábhair’ do mhéid iomlán na n-amhábhar arna n-eastóscadh chun an t-éileamh deiridh ar thomhaltas a chomhlíonadh;

ciallaíonn ‘substaint ar ábhar imní í’ substaint:

ciallaíonn ‘pas táirge digiteach’ tacar sonraí a bhaineann go sonrach le táirge ina bhfuil an fhaisnéis a shonraítear sa ghníomh tarmligthe is infheidhme arna ghlacadh de bhun Airteagal 4 agus atá inrochtana trí mheán leictreonach trí iompróir sonraí i gcomhréir le Caibidil III;

ciallaíonn ‘iompróir sonraí’ siombail barrachóid línigh, siombail dhéthoiseach nó meán gabhála sonraí eile um shainaithint uathoibríoch is féidir a léamh le feiste;

ciallaíonn ‘aitheantóir táirge uathúil’ teaghrán uathúil carachtar chun táirge a shainaithint lenar féidir nasc gréasáin a dhéanamh leis an bpas táirge digiteach;

ciallaíonn ‘aitheantóir oibreora uathúil’ teaghrán uathúil carachtar chun gníomhaí atá bainteach le slabhra luacha táirge a shainaithint;

ciallaíonn ‘soláthraí seirbhíse pas táirge dhigitigh’ duine nádúrtha nó dlítheanach ar triú páirtí neamhspléach é nó í atá údaraithe ag an oibreoir eacnamaíoch a chuireann an táirge ar an margadh nó a chuireann i seirbhís é agus a phróiseálann na sonraí maidir leis an bpas táirge digiteach don táirge sin chun na sonraí sin a chur ar fáil d’oibreoirí eacnamaíocha agus do ghníomhaithe ábhartha eile a bhfuil sé de cheart acu rochtain a fháil ar na sonraí sin faoin Rialachán seo nó faoi dhlíthe eile de chuid an Aontais;

ciallaíonn ‘aitheantóir saoráide uathúil’ teaghrán uathúil carachtar chun suíomhanna nó foirgnimh a bhfuil baint acu le slabhra luacha táirge a shainaithint nó a úsáideann gníomhaithe a bhfuil baint acu le slabhra luacha táirge;

ciallaíonn ‘díothú’ dochar a dhéanamh do tháirge d’aon ghnó nó táirge a dhiúscairt mar dhramhaíl d’aon ghnó, cé is moite de dhiúscairt chun críche an táirge diúscartha a sheachadadh chun ullmhú d’oibríochtaí athúsáide, lena n-áirítear oibríochtaí athfheistithe nó athmhonaraithe, agus chun na críche sin amháin;

ciallaíonn ‘custaiméir’ duine nádúrtha nó dlítheanach a cheannaíonn, a fhruilíonn nó a fhaigheann táirge dá úsáid féin, bíodh sé ag gníomhú chun críocha atá lasmuigh dá shlí maireachtála, gnó, ceird nó gairm féin, nó ná bíodh;

ciallaíonn ‘táirge tomhaltais’ aon táirge, cé is moite de chomhpháirteanna agus de tháirgí idirmheánacha, atá ceaptha go príomha do thomhaltóirí;

ciallaíonn ‘táirge tomhaltais neamhdhíolta’ aon táirge tomhaltais nár díoladh lena n-áirítear barrachas stoic, fardal breise agus marbhstoc agus táirgí arna dtabhairt ar ais ag tomhaltóir ar bhonn a gcirt chun tarraingt siar i gcomhréir le hAirteagal 9 de Threoir 2011/83/AE, nó, i gcás inarb infheidhme, le linn aon tréimhse aistarraingthe níos faide arna soláthar ag an trádálaí;

ciallaíonn ‘beart féinrialála’ comhaontú deonach nó cód iompair, arna dtabhairt i gcrích ag oibreoirí eacnamaíocha ar a dtionscnamh féin, a bhfuil siad freagrach as é a fhorfheidhmiú;

ciallaíonn ‘cur ar fáil ar an margadh’ táirge a sholáthar lena dháileadh, lena thomhailt nó lena úsáid ar mhargadh an Aontais le linn gníomhaíocht tráchtála, bíodh sé sin ar íocaíocht nó saor in aisce;

ciallaíonn ‘cur ar an margadh’ táirge a chur ar fáil ar mhargadh an Aontais den chéad uair;

ciallaíonn ‘cur i mbun seirbhíse’ céadúsáid táirge san Aontas, chun na críche dar ceapadh é;

ciallaíonn ‘monaróir’ aon duine nádúrtha nó dlítheanach a mhonaraíonn táirge nó a ndéantar táirge a dhearadh nó a mhonarú dó, agus a mhargaíonn an táirge sin faoina ainm nó faoina thrádmharc;

ciallaíonn ‘ionadaí údaraithe’ aon duine nádúrtha nó dlítheanach atá bunaithe san Aontas a bhfuil sainordú i scríbhinn faighte aige ón monaróir chun gníomhú thar ceann an mhonaróra i ndáil le cúraimí sonraithe maidir le hoibleagáidí an mhonaróra faoin Rialachán seo;

ciallaíonn ‘allmhaireoir’ aon duine nádúrtha nó dlítheanach atá bunaithe san Aontas agus a chuireann táirge ó thríú tír ar mhargadh an Aontais;

ciallaíonn ‘dáileoir’ aon duine nádúrtha nó dlítheanach sa slabhra soláthair, seachas an monaróir nó an t-allmhaireoir, a chuireann táirge ar fáil ar an margadh;

ciallaíonn ‘oibreoir eacnamaíoch’ an monaróir, an t-ionadaí údaraithe, an t-allmhaireoir, an dáileoir, an déileálaí agus an soláthraí seirbhíse comhlíonta;

ciallaíonn ‘oibreoir neamhspleách’ duine nádúrtha nó dlítheanach atá neamhspleách ar an monaróir agus atá páirteach go díreach nó go hindíreach in athchóiriú, i ndeisiú, i gcothabháil nó in athrú cuspóra táirge, agus áirítear air oibreoirí bainistíochta dramhaíola, athchóiritheoirí, deisitheoirí, monaróirí nó dáileoirí trealaimh deisiúcháin, uirlisí nó páirteanna spártha, mar aon le foilsitheoirí faisnéise teicniúla, oibreoirí a thairgeann seirbhísí cigireachta agus tástála agus oibreoirí a thairgeann oiliúint do shuiteálaithe, do mhonaróirí agus do dheisitheoirí trealaimh;

ciallaíonn ‘deisitheoir gairmiúil’ duine nádúrtha nó dlítheanach a sholáthraíonn seirbhísí gairmiúla deisithe nó cothabhála do tháirge, gan beann ar cibé acu a ghníomhaíonn an duine sin laistigh de chóras dáileacháin an mhonaróra nó go neamhspleách;

ciallaíonn ‘sonraíocht theicniúil’ doiciméad ina leagtar síos na ceanglais theicniúla atá le comhlíonadh ag táirge, próiseas nó seirbhís;

ciallaíonn ‘marcáil CE’ marcáil lena léiríonn an monaróir go bhfuil an táirge ábhartha i gcomhréir leis na ceanglais is infheidhme a leagtar amach i reachtaíocht an Aontais um chomhchuibhiú lena ndéantar foráil dá ghreamú;

ciallaíonn ‘measúnú comhréireachta’ an próiseas lena léirítear ar chomhlíonadh na gceanglas éicidhearthóireachta a leagtar amach sna gníomhartha tarmligthe ábhartha arna nglacadh de bhun Airteagal 4;

ciallaíonn ‘comhlacht um measúnú comhréireachta’ comhlacht a dhéanann gníomhaíochtaí um measúnú comhréireachta lena n-áirítear calabrú, tástáil, deimhniú agus iniúchadh;

ciallaíonn ‘comhlacht ►C2  dá dtugtar fógra ◄ ’ comhlacht um measúnú comhréireachta ►C2  dá dtugtar fógra ◄ i gcomhréir le Caibidil IX;

ciallaíonn ‘soláthraí margaidh ar líne’ soláthraí seirbhíse idirghabhálaí a úsáideann comhéadan ar líne a fhágann gur féidir le custaiméirí cianchonarthaí a thabhairt i gcrích le hoibreoirí eacnamaíocha chun táirgí a chumhdaítear le gníomhartha tarmligthe a ghlactar de bhun Airteagal 4 a dhíol;

ciallaíonn ‘déileálaí’ dáileoir nó aon duine nádúrtha nó dlítheanach a thairgeann táirgí lena ndíol, lena bhfruiliú nó lena bhfruilcheannach, nó a thaispeánann táirgí d’úsáideoirí deiridh le linn gníomhaíocht tráchtála, lena n-áirítear trí chiandíol; agus áirítear air aon duine nádúrtha nó dlítheanach a chuireann táirge i mbun seirbhíse le linn gníomhaíocht tráchtála;

ciallaíonn ‘ciandíol’ táirgí a thairiscint lena ndíol, lena bhfruiliú nó lena bhfruilcheannach, ar líne nó trí mhodhanna eile ciandíola, nuair nach féidir leis an gcustaiméir ionchasach rochtain fhisiceach a fháil ar an táirge;

ciallaíonn ‘táirge lena mbaineann riosca’ táirge a d’fhéadfadh, trí neamhchomhlíontacht le ceanglas éicidhearthóireachta a shocraítear sa Rialachán seo nó de bhun an Rialacháin seo, seachas na ceanglais sin a liostaítear in Airteagal 71(1), dochar a dhéanamh don chomhshaol nó do leasanna poiblí eile a chosnaítear leis an gceanglas sin;

ciallaíonn ‘táirge lena mbaineann riosca tromchúiseach’ táirge lena mbaineann riosca a meastar ina leith, bunaithe ar mheasúnú, gurb amhlaidh, de thoradh mhéid na neamhchomhlíontachta ábhartha nó na díobhála gaolmhaire, atá gá le hidirghabháil mhear ó na húdaráis faireachais margaidh, lena n-áirítear i gcásanna nach mbíonn éifeachtaí láithreacha ag an neamhchomhlíontacht.