Airteagal 5 1

(a)

measúnú agus maoirseacht a dhéanamh ar chomhlíonadh na gceanglas maidir le stóinseacht airgeadais, dliteanas, cumhdach árachais, úinéireacht agus struchtúr eagraíochtúil dá dtagraítear i bpointe 7 d’Iarscríbhinn VIII a ghabhann le Rialachán (AE) 2018/1139 agus ar chomhlíonadh na gceanglas a leagtar amach sna gníomhartha cur chun feidhme dá dtagraítear in Airteagal 43 den Rialachán sin;

(b)

a fhíorú go ndéanann na soláthraithe seirbhísí dá dtagraítear in Airteagal 8(2), pointe (b), agus Airteagal 11(6), pointe (d), na ceanglais náisiúnta slándála agus chosanta a chomhlíonadh mura sannann an Ballstát an cúram sin d’údarás eile; cuirfidh an Ballstát an Coimisiún ar an eolas i gcás ina gcinneann sé an cúram sin a shannadh d’údarás eile;

(c)

gan dochar do Threoir 2014/25/AE agus do Threoir 2014/24/AE, rannchuidiú, nuair is ábhartha agus mar is iomchuí, le cur i bhfeidhm ceart na gceanglas soláthair i gcomhréir le hAirteagal 11 den Rialachán seo;

(d)

measúnú a dhéanamh ar an socrú praghsanna do sholáthar SCFanna agus é a fhormheas, i gcomhréir le hAirteagal 12;

(e)

na scéimeanna feidhmíochta agus muirearaithe a chur chun feidhme agus faireachán a dhéanamh orthu i gcomhréir lena gcúraimí faoi Airteagail 21 go 27 agus 29 go 32 agus laistigh de theorainneacha na gcúraimí sin agus i gcomhréir leis na gníomhartha cur chun feidhme dá dtagraítear in Airteagail 28 agus 33;

(f)

maoirseacht a dhéanamh ar chur i bhfeidhm an Rialacháin seo a mhéid a bhaineann le trédhearcacht chuntais na soláthraithe seirbhísí aerloingseoireachta i gcomhréir le hAirteagal 36.