Artikolu 5 1

(a)

tivvaluta u tissorvelja l-issodisfar tar-rekwiżiti rigward ir-robustezza finanzjarja, ir-responsabbiltà, il-kopertura tal-assigurazzjoni, is-sjieda u l-istruttura organizzazzjonali msemmija fil-punt 7 tal-Anness VIII tar-Regolament (UE) 2018/1139 u tar-rekwiżiti stipulati fl-atti ta’ implimentazzjoni msemmija fl-Artikolu 43 ta’ dak ir-Regolament;

(b)

tivverifika l-konformità mar-rekwiżiti tas-sigurtà u d-difiża nazzjonali, u l-issodisfar tagħhom, mill-fornituri ta’ servizzi msemmija fl-Artikolu 8(2), il-punt (b) u l-Artikolu 11(6), il-punt (d), għajr jekk dan il-kompitu jkun assenjat lil awtorità oħra mill-Istat Membru; meta Stat Membru jiddeċiedi li jassenja dan il-kompitu lil awtorità oħra, huwa għandu jinforma lill-Kummissjoni;

(c)

mingħajr preġudizzju għad-Direttiva 2014/25/UE u d-Direttiva 2014/24/UE, tikkontribwixxi, meta rilevanti u kif adatt, għall-applikazzjoni korretta tar-rekwiżiti tal-akkwist f’konformità mal-Artikolu 11 ta’ dan ir-Regolament;

(d)

tivvaluta u tapprova l-iffissar tal-prezzijiet għall-forniment tas-CIS, f’konformità mal-Artikolu 12;

(e)

timplimenta u timmonitorja l-iskemi ta’ prestazzjoni u ta’ imposti f’konformità mal-kompiti tagħhom, u fil-limiti tagħhom, skont l-Artikoli 21 sa 27 u 29 sa 32 u mal-atti ta’ implimentazzjoni msemmija fl-Artikoli 28 u 33;

(f)

tissorvelja l-applikazzjoni ta’ dan ir-Regolament fir-rigward tat-trasparenza tal-kontijiet tal-fornituri tas-servizzi tan-navigazzjoni bl-ajru f’konformità mal-Artikolu 36.